Aðalfundur varð í kvøld hildin í veitsluhølinum á Oyrasundskollegiinum. Eini 15 limir vóru møttir at hoyra, hvussu gingist var felagnum seinasta árið.
Árið 2015 var væntað at geva undirskot, men av tí, at eitt tiltak við Jens Marna í Føroyahúsinum gav yvirskot, varð fíggjarliga støðan í 2015 betur enn væntað. Haraftrat hevur felagið nakrar trúgvar stuðlar, ið betra væl um fíggjarligu støðuna. Inntøkurnar koma tó í høvuðsheitinum frá limagjøldum; hesi vóru í fjør 65 í tali.
Viðvíkjandi nevnarlimum bleiv á aðalfundinum kunngjørt, at ein broyting verður framd í 2016 – Høgni Hansen valdi nevnliga at taka seg úr nevndini. Nevndin vil hervið nýta høvi at takka Høgna fyri gott samstarv og drúgva tænastu í felagnum. Eisini verður ynskt honum blíðan byrð framyvir. Maður kemur í mans stað; Pætur Jørgensen er nýggjur limur nevnd felagsins. Vit ynskja honum vælkomnum, og vit gleða okkum til gott samstarv.
Nevndin er framvegis mannað av 7 limum: Ólavur S. í Ólavsstovu, Malan á Dunga, Brian Hansen, Helena D. Wardum, Lív E. Olsen, Ásfinnur Sigvardsen, væntar á myndini, og Pætur Jørgensen.
Stuðlar hjá ÍF Føroyum fyri kappingarárið 2015 vóru hesir:
Høvuðsstuðul:
– Bank Nordik
Aðrir stuðlar:
– Smyril Line
– Trygd
– Varðin Pelagic