Tórsdagin 29. mars spældu ÍF Føroyar ársins fyrsta heimadyst, har KFUM kom á vitjan. Bert tvey stig vóru á muni millum liðini. Tíverri rakti páskafrítíðin ÍF Føroyar sera meint, og høvuðsvenjarin kundi áðrenn dystin telja heili 27 avboð.
KFUM legði hart fyri, og satt at siga, vóru okkara menn ikki heilt klárir frá byrjan. Longu eftir tveimum minuttum legði KFUM seg á odda – eitt alt ov lætt mál, har verjan hjá okkum ikki heilt hevði fingið hitan enn. Áðrenn tíggju minuttir vóru leiktir var støðan longu 0-2, men hesaferð var talan um ein vakran hálvfluktara.
Jú minni sagt um fyrra hálvleik jú betur. ÍF Føroyar høvdu møguliga bóltin meira enn KFUM, men óvanliga lítið kom burturúr, og KFUM vóru skjótir til at revsa teimum mongu persónligu mistøkunum. Nevnast skal at Rani hevði fleiri góðar bjargingar í fyrra hálvleiki.
Í seinna hálvleiki var tað eitt hamskift lið, sum kom á vøllin. Leikararnir vóru tendraðir og byrjaðu at vinna sínar nærdystir og trýsta hægri og betri á vøllinum. Av tí sama bleiv spælið eisini betur, og hetta gav úrslit. 5-10 minuttir í seinna hálvleiki leggur innskifti Jákup ein góðan bólt innfyri úr høgru, og somuleiðis innskifti og altíð vandamikli Jóhan tveitir seg fram og prikar bóltin í netið – eitt gott mál, ið gav enn meir blóð uppá tonnina.
Okkara leikarar høvdu nóg illa fingið armarnir niður aftur, áðrenn KFUM megnaði at skora enn eina fer og støðan gjørdist 1-3.
Stutt eftir eydnast tað okkum at fáa enn eitt mál – stór frøi hjá teimum føroysku leikarunum, men tíverri meta hvørki dómarin ella linjuverjin, at bólturin var í málinum, hóast bólturin bókstaviliga raktið netið! – ein GØLA…
ÍF Føroyar royndi at halda á fram við at trýsta og áttu eisini tað mesta av dystinum, men hóast bæði góðar og hálvgóðar møguleikar, so eydnaðist tað tíverri ikki at fáa fleiri mál.
Sigast skal tó, at hóast ein sterkan seinna hálvleik og av sonnum manglandi marginalar, so høvdu leikararnir einamest sær sjálvum at takka fyri at onki stig kom burturúr dystinum. Ein út av lagi vánaligur fyrri hálvleikur, og eitt mótstøðulig, ið var til reiðar at revsa okkum, tá ið feilir vóru, bar við sær, at útiliðið fór avstað við øllum trimum stigunum.
Um man hinvegin skal hugsa positivt, so var hugburðurin sera góður í seinna hálvleiki, og haraftur er tað eitt gott tekin, at man eftir 27 avboð framvegis kann mannað ein hóp, sum við eitt sindur av hepni hevði kunnað tikið eitt ella øll trý stigini.
Vit síggja frameftir móti næstu uppgávu, sum verður ímóti HB týsdagin kl. 19.30.
ÍF Føroyar – KFUM: 1-3 (0-2)
0-1:
0-2:
1-2: Johan Ellingsgaard (Jákup Toftum Joensen)
1-3:
Dagsins Leikari: Tummas Justinussen
Uppstilling:
Rani
Beinir – Karl Martin – Ragnar J – Ragnar P
Tummas – Teitur J
Joseph – Ólavur
Jens Michael – Kristin
Bonkur: Mikal, Jákup, Johan
Køv ikki eldhugan!