Leygardagin skipaði ÍF Føroyar fyri ársins innandurakapping í Svanemøllehallen. Heilt fitt av luttakarum vóru og teir ávikavist tveir og tríggjar tímarnar kappingarnar vardu vóru bæði spennandi, intensir og undirhaldandi.
Hjá kvinnum høvdu 18 kvinnur boðað frá luttøku og tær vóru býttar út á fýra lið. Eitt hvítt, eitt reytt, eitt svart og eitt blátt lið og tá ið samanum kom vunnu ’Svart lið’. Eftir eitt bólkaspæl, har ið tær svørtu endaðu einum triðja plássi, vunnu tær í finaluni á annars suverenu bólkavinnarunum, teimum bláu, við einum máli móti ongum. Vinnandi liðið varð mannað við Simonu Heinesen, Sofíu Purkhús, Marjun Poulsen, Kristinu Simonsen og Jenny Lydersen.
Hjá monnunum luttóku sjey lið og vunnu Liverpool4life. Í bólkaspælinum var tað tó ’Kurt’, sum vóru flúgvandi og vunnu allar sínar dystir, men í finaluni vóru tað tó nr.2 frá bólkaspælinum, sum eftir at hava vunnið 4-2 móti A-team í hálvfinaluni streyk avstað við einum 1-0 sigri. Liverpool4life varð mannað við Jóhan V. Gunnarsson, Rasmusi Nolsøe, Emil N. Leifsson og Ólavi S. í Ólavsstovu.
Vit takka fyri góða luttøku og ynskja vinnarunum hjartaliga til lukku við sigrunum!
