Kategori: Uncategorized

Udgivet den

Leikarin á bonkinum – Tummas Justinussen

Tummas Justinussen er okkara næsti leikari á bonkinum. Sterki miðvallarin er uppvaksin úti á Argjum. Í 2012 flutti Tummas til Danmarkar at lesa til lækna og hevur nú fá semestur eftir, áðrenn hann kann kalla seg Dr.Justinussen.

–

Lýs teg sjálva/sjálvan sum fótbóltsspælara við 3 orðum:
Miðja, Verja, Málmaður.

–

Svevur tú 8 tímar hvørja nátt?
Ja, um ikki meira. Tað kemur sjáldan fyri, at eg ikki fái 8 tímar.

–

Fleiri lutaseðlar ella hægri limagjald?
Lægri løn til Niels og Tórður. Uttan at vita hvat teir fáa, so haldi eg at tað er ov nógv 😉
Um tað ikki ber til vegna langtíðarsáttmálar, so hægri limagjald.

–

Hvønn sang áttu øll at hoyrt minst einaferð og hví?
Alt ov nógvir sangir kunnu nevnast her, men ”Time – Pink Floyd” er væl eitt gott boð.

–

Nær vaskaði tú skinnararnar seinast?
Tað er 3 mdr. síðani, so teir eru so at siga gull-reinir enn.

–

Besti leikari tú hevur leikt við?
Bogi Løkin
Men góða eydnu við at fáa hann at indrømma tað!

–

Besta ÍF Føroyar ball?
Nógvar góðar veitslur, men velji ársveitsluna fyri 2 árum síðani.

–

Hvat er ein góður kossur?
Tá fyrrverandi formaðurin, Andras Drangastein, kom rennandi inn á vøllin eftir vit høvdu vunnið onkran dyst við AB (Ja, tað hendir seg, um sjáldan, at AB vinnur…), so kom tað fyri, at man fekk ein formidablan muss ella tveir.
Harnæst vil eg siga, at ein góður erligur kossur frá damuni kemur nummar tvey, uttan iva.

–

Besta minnið av Kløvermarkini?
Eg slapp einaferð at skjóta eitt fríspark. Skoraði gott nokk ikki, men glaðari havi eg aldrin verið. Tvass, besta minni er nokk síðsti dystur áðrenn vi rykktu upp úr Seriu 1.

–

Hvør hevur flottastu reyv á liðnum hjá tær?
Beinir hevur eina væltrenaða reyv, og tá maðurin við teimum brúnu beinunum eisini vísur ein næstan ryttmiskan eginleika í at svinga hana, tá hann rennur á vøllinum, so fær hann mína stemmu.
”Hips Don’t Lie” – Shakira (2005)

–

Hvat er tað besta við ÍF Føroyum?
Samanhald. Góð menniskju, sum koma saman við einum sterkum felagsnevnara – Manglandi integratión í danska samfelagið. Kundi ikki verið betur.

–

Hvat er tað besta skoritriksið?
Eg gekk 9 ár í sama fólkaskúla og 2 ár í sama studentaskúlaklassa sum daman, áðrenn vit komu saman, so mín ”success rate” er nokk ikki naka at reypa av. Vildi greina harav, at áhaldni kundi verið mítt skoritriks, men tað ljóðar beinleiðis syrgiligt og eggjar næstan til ”stalking”.
Havi hoyrt at Teitur W. Justinussen dugir karate (ella muay thai, whatever..), man tað ikki verða ein sikkur ”icebreaker”?

–

Hvør syngur best á tínum liði?
Ein Jan Schwartz, kanska? Mín innari ”Simon Cowell” fer at spýla oyruni út til ársvetsluna í november, har finnast heilt sikkurt nakrir óbrýndir diamantar ímillum ÍF Føroyar limirnar.

–

Hvørji ritualir/vanar hevur tú á dystardegi?
Eingin ritualir. Men tíverri møti eg nokk stabilt nakrar minuttir seinni enn ásettu tíðina til dyst, so lat okkum bara siga at tað er tilætlað sum eitt ritual, sum skal hjálpa mínum fótbótsspælið, so sleppi eg kanska undan onkrari skolu í framtíðini.

–

Hvat er títt besta persónliga fótbóltsminni?
Mín fótbóltskarriera er ikki lukrativ samanborið við tær stóru kanónirnar, sum sita (og hava sitið) í umklæðingarrúminum hjá ÍF Føroyum.
Tað var stuttligt spæla mín fyrsta fulla dyst í bestu føroysku deildini og vinna óvæntað á NSÍ á útivøllið.
Eg var eisini við til at sláa TB (við m.a. Niels Strøm Rødgaard á holdkortinum) úr steypakappingini í mínum bert næsta fótbóldsdysti fyri besta mansliðið hjá AB í 2009. Undarligt, at tað minni bara blívur betur og betur, hvørjaferð eg endurgevið tað fyri honum…

–

Hvør er stuttligasti persónur á liðinum?
Nógvir stuttligir fýrar. Men haldi Teitur Tausen fær mína stemmu, so sleppur hann frá at stemma uppá seg sjálvan.

–

Hvat er tað besta við Føroyum?
Familja, vinir, náttúran og maturin. (Hóast eg haldi at blóðpylsa er eitt gott dømi um, at eitt kreativt hugskot ikki altíð er í samsvarið við at verða eitt gott hugskot…)

–

Er tað nakað, sum ÍF Føroyar kundi gjørt øðrvísi? Um ja, hvat?
Haldi vit leikarir kundu verið betur til at melda til og møta upp til venjingar og dystir. Haldi at nevnd og venjarar gera eitt framúr arbeiði, hóast mín speiska kommentar til lønarviðurskiftini hjá høvuðsvenjarunum.

–

Um tú kundi hitt og prátað við ein kendan søguligan persón, hvør skuldi tað verið?
Leonardo da Vinci hevði verið interessantur at hitt. Hann virkar sum ein nýhugsandi persónur, og um ikki annað, hevði eg nokk gjørt eitt gott arbeiði sum model til Mona Lisa málaríðið. Havi eisini hárið til tað.

–

Skal leysi endin á wc-rulluni vera inn ímóti ella út frá vegginum?
Uttan at hava eina sterka meining um evnið sigi eg “út frá”.

–

Hvat skulu vit spyrja næsta leikara?
Er ananas á Pizza eitt okay konsept?

Udgivet den

Dystir í vikuskiftinum

Eitt gott fótbóltsvikuskifti er fyri framman. Øll okkara fimm lið skulu í eldin og har eru nógv stig at heinta. Veðurforsagnirnar eru góðar, so komið ein túr yvir á Kløver og stuðlið okkara leikarum.

Leygardagin 6.okt leika 1., 2. og 3.liðið.

1.liðið leikar á heimavølli ímóti FK Prespa. Dysturin byrjar kl 15.15.

2.liðið skal á útivølli taka ímóti Heimdal. Hesin dysturin byrjar kl 13.00.

kl 15.00 á útivølli leikar 3.liðið ímóti Amager FF.

Sunnudagin 7.okt taka kvinnurnar ímóti KFB. Dysturin er á Kløvermarkini og byrjar kl 11.45.

Okkara 7mans lið leikar síðsta dystin í vikuni. Sunnududagin 7.okt á heimavølli kl 12.00 taka teir ímóti Pan Fodbold.

 

Køv ikki eldhugan!

Udgivet den

Dystir hesa vikuna

Fýra dystir eru á skránni komandi vikuskiftið.

Leygardagin 22 sept. leika bæði 1. og 2. liðið hjá ÍF Føroyum.

Kl 15.15 tekur 1.liðið ímóti PI Fodbold. Dysturin verður spældir á Kløvermarkini. Við nýggjum Power Banks frá Bank Nordik vera rapportararnir, Tórður Hentze og Heðin Lisberg Olsen, á staðnum og greiða frá dystinum. Tilber at fylgja við gongdini á Facebook síðu okkara.

2.liðið skal á útivølli taka ímóti B.1903. Dysturin byrjar kl 15.00.

Sunnudagin 23 sept. Kl 13.30 leikar 3.liðið á útivølli ímóti FC Randoms.

Seinasti dystur komandi vikuskifti er hjá kvinnunum. Sunnudagin leika kvinnurnar á heimavølli ímóti Skjold. Dysturin byrjar kl 13.30.

 

 

Køv ikki eldhugan!

 

Udgivet den

Enn ein sáttmáli undirskrivaður

Nevndin kann kunngera, at enn ein venjari hevur valt at halda á sum venjari hjá ÍF Føroyum.

Nýggjur sáttmáli er undirskrivaður við 1. liðsvenjarin, Niels Strøm Rødgaard. Niels byrjaði sum venjari hjá 2. liðnum í 2015, og tók síðani við sum venjari hjá 1. liðnum í 2016.

Besta mansliðið hjá ÍF Føroym leikar dagliga í Keypmannahavnarseriuni.

Nevndin vil takka Niels fyri tað megnar arbeiði hann hevur gjørt í felagnum og gleða okkum til framhaldandi gott samstarv.

Køv ikki eldhugan!

Udgivet den

Nýggjur sáttmáli undirskrivaður

Nevndin kann vid gleði kunngera, at nýggjur sáttmáli er undirskrivaður við venjarin hjá kvinnunum Tórður Hentze. Tórður tók við sum venjari hja kvinnunum í 2015 og hevur gjørt eitt megnararbeiði í felagnum, ta tíðina hann hevur verið venjari.

Undir leiðslu av Tórður Hentze fluttu kvinnurnar upp í Keypmannahavnarseriuna fyri einum ári síðani, og megnaði í várhálvuni at halda seg í deildini.

Vit gleða okkum til framhaldandi gott samstarv.

Køv ikki eldhugan!

Udgivet den

Dystir hesa vikuna

Nógvir dystir eru á skránni hjá ÍF Føroyum hesa vikuna.

Týsdagin 11/9 kl.20.00 spælir 1. lid á útivølli ímóti Hvidovre IF 2. Dysturin verdur leiktur á Kæmpernes Arena.

Fríggjadagin 14/9 kl.18.00 spælir 7. manslidid hjá ÍF Føroyum á heimavølli ímóti Tårnby FF 2. Dysturin verdur leiktur á Kløvermarkini.

Leygardagin 15/9 eru trýggir dystir á skránni:

Kl.13.00 spæla kvinnurnar á útivølli ímóti PI Fodbold (2). Dysturin verdur leiktur í Valby IP.

Kl.13.30 spælir 2. lid á heimavølli ímóti B.93 3. Dysturin verdur leiktur á Kløvermarkini.

Kl.15.15 spælir 1. lid á heimavølli ímóti KB 2. Dysturin verdur leiktur á Kløvermarkini.

Sunnudagin 16/9 kl.15.15 spælir 3. lid á heimavølli ímóti CSC 2. Dysturin verdur leiktur á Kløvermarkini.

 

Køv ikki eldhugan!

Udgivet den

Limagjald – Heysthálvan 2018

So er tíðin komin til, at allir leikandi limir felagsins skulu gjalda limagjald.

Upphæddin fyri heysthálvuna er 350 krónur.

 

Soleiðis verður limagjaldið goldið:

1. Holdsport:

Rita inn á holdsport og fylg vegleiðingini um, hvussu limagjaldið verður goldið.

2. Heimabanka:

Flyt peningin á kontuna hjá ÍF Føroyum. Kontonummarið er: (reg. 6509) 306.178.331.7

Viðmerk navn og ár.

 

Freistin at gjalda limagjald er 17. septembur 2018. Leikarar, sum ikki hava goldið limagjaldið innan 17. septembur, verða útihýstir frá holdsport, venjing og dystum, til limagjaldið er goldið. Tí vilja vit heita á tykkum øll at gjalda skjótast gjørligt.

 

Um tú ikki hevur møguleika at gjalda ádrenn 17. septembur, er tó møguligt at gera eina serstaka avtalu við nevndina. Set teg í samband við Sunnevu, um so er!

Gott kappingarár!

Køv ikki eldhugan!

Nevndin

Udgivet den

Kvinnurnar spældu spennandi dyst í Brønshøj

Okkara ÍF Føroyar kvinnur vóru fríggjadagin á vitjan í Brønshøj, har mótstøðuliðið var FIX

Áðrenn dystin var FIX á 4.plássið og vit á einum 8.plássið á stigatalvuni.

Í 1. hálvleiki var trýstið stórt á okkara mál. FIX hevði fleiri málmøguleikar, ímeðan vit stríddust og gjørdu alt fyri, at tann defensivi parturin var sum hann skuldi. Vit megnaðu at standa ímóti trýstinum í 39 minuttir, so kom hol á. Ein leysur bóltur inni í feltinum endaði við, at FIX kundi leggja seg á odda 1-0, sum eisini gjørdist hálvleiksstøðan.

Í 2. hálvleiki vóru okkara kvinnur alsamt meira tendraðar. Vit komu longur niðan á vøllin og skaptu fín álop, sum tó ikki blivu heilt farlig. Eftir at 53 minuttir vóru leiktir, bragdaði hjá okkum. FIX ger eina verjuvillu, og hesum takkaði Liljan S. Jacobsen fyri, og kundi hon við sínum gylta vinstra beini knústa bóltin upp undir nettakið. 1-1 og vit høvdu givið mótstøðuliðnum ein hvøkk.

Einans 7 minuttir eftir at vit høvdu javnað, fekk FIX ein stóran møguleika at leggja seg á odda. Brotsspark. Men nei – meistarliga bjargar Nina Davidsen bóltinum, tá hon kastar seg til sína vinstru síðu. Enn 1-1 og 30.minuttir eftir at spæla.

FIX vóru nú nógv meira á bóltinum, og av tí at málmøguleikarnir skolaðu inn móti føroyska málinum, ja, so lá eitt mál í luftini. Og so var… 2-1 til FIX í 66. minutti.

Sama fótbóltsspælið helt sær langt út móti dystarenda. Áhaldandi trýst á okkara mál og vit runnu mestsum bara aftaná. Inntil 84 minuttir vóru leiktir. Ein støða inni í feltinum hjá FIX endar við, at tað nú eru vit sum fáa brotsspark. Liðskiparin á liðnum, Monika S. Samuelsen, tekur ábyrgd á egnar herðar. Óheppin sendur hon bóltin upp um málverjan og upp um tvørstræðið. Stórur møguleiki at javna, men eydnan var ikki við hesuferð.

Dysturin endar tískil 2-1 til FIX í einum undirhaldandi fótbóltsdysti, har vit berjast til tað síðsta.

Á liðnum vóru: Nina Davidsen, Kristianna Balle, Helena H. Johannesen, Katarina K. Saxov, Bjørt S. Miðberg, Barbara á Líðarenda, Elsa S. Jacobsen, Amanda Jensen, Monika S. Samuelsen, Jóhanna J. Lervig, Liljan S. Jacobsen og Sunneva T. Magnussen.

ÍF Føroyar kvinnur liggja á 8.plássið í Københavnsserien.

Næsti dystur er 27.mai móti KFB. “Slagið um Kløvermarkini”.

Køv ikki eldhugin!

Udgivet den

Broyting av venjingartíðum

Venjingartíðirnar fyri summarið verða hesar:

Týsdag: Kvinnurnar kl.18:30 og mennirnir  kl.17:30

Hósdag: Kvinnurnar kl.17:30 og mennirnir kl.18:30

Byrjað verður á grasvølli 9. apríl

Køv ikki eldhugan!

Udgivet den

Nýggjur venjari til 2. liðið

Sum flest øll vita, valdi Christian Høgni Jacobsen, áðrenn summarsteðgin, at traðka frá sum 1. liðsvenjari. Tá varð stóri spurningurin, hvør skuldi setast sum venjari hjá 1. liðnum. Nevndarlimir felagsins vórðu einig í, at tann, ið nokk var best egnaður til uppgávuna, var hann, sum hevði fingið 2. liðið at flyta upp árið fyri – nevnliga Niels Strøm Rødgaard. Nú var stóri spurningurin so, hvør skuldi verða venjari hjá 2. liði.

Men leitingin eftir einum avloysara til starvið hjá Niels er loksins endað, og nýggjur venjari er funnin. Hóast Jógvan Ósá stendur fyri 3. liðinum valdu vit at spyrja hann, um hann var áhugaður í at verða venjari hjá 2. liðnum eisini. Vit í nevndini eru sera glað fyri, at Jógvan hevur játtað at taka rolluna sum 2. liðs venjari. Jógvan er sera væl kendur í ÍF føroyum bæði sum fótbóltsleikari, við guitaranum uttanfyri leiktíðir á vøllunum og sum ábyrgdin av 3. liðnum í fleiri hálvir. Vit í nevndini ynskja Jógvani til lukku við nýggja starvinum og gleða okkum til gott samstarv framyvir við nýggja venjaran.

Udgivet den

Keyp av frítíðarbúna

Far inn á heimasíðuna hjá Ama’r sport og fylg vegleiðingini niðanfyri:

  • amarsport.dk
  • Trýst á ÍF Føroyar logoið í miðjuni.
  • Vel tann pakkan tú ynskir.
  • Vel kyn og prent. Viðvíðkjandi støddini; vilt tú hava ymiskar støddir til jakka, buksur, sokkar, shorts og blusu, skal tað viðmerkjast í tí næsta teiginum.
  • Prent við ÍF Føroyar merkinum og høvuðsstuðlinum Bank Nordik er við í prísinum. Vilt tú hava egið navn og nummar á, velur tú tað í teiginum – her sært tú eisini prísir.
  • Trýst á ’Læg i kurv’.
  • Far til innkeypskurvina við at trýsta á ’Gå til kurv’ ovast í høgra hjørni.
  • Ert tú nøgd/ur trýstur tú á ’Gå videre’.
  • Tasta tínar persónligu upplýsingar saman við gjaldingar upplýsingum inn, og her skalt tú nevnliga minnast til at viðmerkja, hvørjar støddir tú vilt hava – um alt ikki skal vera sama stødd – undir ’bemærkninger’. Her kanst tú eisini velja, um tú vilt heinta klæðini sjálv/ur ella fáa tað sent heim til tín fyri 50 krónur.