Gunnar Hallur Haraldsen var i mong ár ein partur av spælarahópinum hja ÍF Føroyum. Sterki miðverjin við kontantu meiningunum var altið garantur fyri einum góðum innsatsi. Serliga luftspælið hjá Gunnari var í serflokki, og oftani hava ÍF Føroyar notið ágóðan av hesum. Seinnu árini var longri millum dystirnar hja Gunnari. Men honum líkt, so var hann altið klárur tá i á stóð.
Vinmaður hansara, sum eisini er ein legenda og fyrrverandi venjari hjá ÍF Føroyum, Tórður Hentze, plagdi ofta at innkalla Gunnar tá mest trýst var á. Orsøkin var einføld – Gunnar er til at líta á og hann er altid nærlagdur, og setur felagsskapin høgt.
Rættuliga sigandi fyri Gunnar er, at hóast fáu dystirnar seinastu árini, so var hann altid millum fyrstu menn, sum goldu limagjald. Ti var tað eisini ein fongur, tá Gunnar tok við venjarasessinum i feburar 2023. Við sær hevði hann vinmennirnar Árna og Tórð Hentze. Fyrsta árið var eitt missjavnt ár. Vit ryktu niður i serie 2 fyrsta hálvári, men fótaðu vit okkum skjótt við at leggja okkum greitt á odda í Serie 2 næsta hálvári. Siðani tá hevur tað bert gingið ein veg. Vit vunnu greitt serie 2, og klaráðu árið eftir at varðveita sessin i Serie 1. Umframt hetta, so komu vit langt í steypakappingini. Ein stóran part av heiðrinum eigur Gunnar.
Hansara nærlagni til allar venjingarnar var ein fragd. Alt tað praktiska var altið i ordan. Vanligt var, at Gunnar altíð møtti 15 min aðrenn venjing, so allir dunkar, keylur, og annað var klárt tá venjing skuldi vera. Hetta vísur hansara nærlagni og treiskni um, at umstøðurnar altið skulu vera i lagið.
Á seinasta leikdegi seinasta ár so gjørdi Gunnar greitt, at hann gevst sum venjari hja ÍF Føroyum. Daman og fitta dóttur hansara kravdu meiri av hansara tið, so plass var ikki longur til venjarasessin. Tað er ein avgerð, sum man bara má hava viðring fyri.
Góði Gunnar. Vit vilja við hesum siga takk fyri tín innsats fyri felagið. Tín partur hevur ongantið ligið eftir og tu hevur givið titt til felagsskapin. Vit gleða okkum at siggja teg yvuri á Kløvermarken – nú sum áskoðara.
Kostnaður fyri vár hálvuna er 550kr og freistin at gjalda er 31. marts 2023.
Soleiðis verður limagjaldið goldið:
1. Holdsport. Rita inn á Holdsport við tínum brúkara og fylg vegleiðingini til hvussu limagjaldið verður goldið. Tú verður tikin víðari til at rinda við at nýta kort-upplýsingar ella MobilePay.
2. Heimabanka Flyt limagjaldið á kontoina hjá ÍF Føroyum: (reg. 6509) 306.178.331.7, og viðmerk evt. flytingina limagjald (ár).
3. Mobilepay Flyt limagjaldið via mobilepay á nr. 9307GU
Amager sport hevur opið og júst nú við 25% avslátturi uppá allar gaggur. Tilboðið er galdandi til og við 30. mai. Amagersport er at finna á Amagerbrogade 165 ella á heimasíðuni, www.amagersport.dk.
Til ber at ogna sær ÍF Føroyar venjingarbúna. Til ber at bíleggja búnan umvegis heimasíðuna hjá www.amarsport.dk ella við at fara í handilin hjá Ama’r Sport, sum er á Amagerbrogade 165-167.
Leygardagin 14. septembur 1.liðið tekur á heimavølli ímóti Fr. Holm Sydhavnen. Dysturin byrjar kl 15.15. Bæði liðini hava 5 stig hvør.
Sunnudagin 15. septembur taka kvinnurnar ímóti Fremad Amager. Dysturin verður á Kløvermarkini og byrjar kl 13.30. Eftir tveir óuppibornar ósigrar skulu arbeiðshandskarnir á, tí Fremad Amager liggur á 1.plássi.
ÍF Føroyar fegnast um, at Jón Clementsen, sum hevur verið knýttur at felagnum síðani 2018, velur at halda áfram sum lækni hjá ÍF Føroyum.
Jón bleiv útbúgvin lækni í 2015. Umframt hetta hevur hann tikið fleiri skeið fyri at gerast diplomlækni í ítróttarmedisin. Til dagliga arbeiðir Jón á Nykøbing Falster og Hvidovre sjúkrahúsinum, har hann er undir serlæknaútbúgvingini til ortopædkirurg.
Jón hevur trivist væl í hesum arbeiðinum og vil fegin halda áfram. Hann hevur havt nokk at sæð til, og leikararnir í felagnum hava verið glaðir fyri hendan møguleikan.
Jón er sera dugnaligur innanfyri sítt yrki og tí frøðast vit um, at hann er sinnaður at halda áfram.
Í kvøld eru tveir steypadystir á skránni. Báðir dystirnir verða leiktir á Kløvermarkini.
Kl 18.15 leikar 1.liðið ímóti FB á bana 5.
Kl 18.30 leika kvinnurnar ímóti Skjold á bana 7. Skjold leikar vanliga í einari deild hægri enn kvinnurnar.
Fríggjakvøldið 03 mai leikar 3.liðið ímóti Viktoria. Dysturin er á Kløvermarkini og byrjar kl 18.30.
7 mans liðið leikar eisini fríggjakvøldið. Teir taka ímóti PI Fodbold. Dysturin er á Kløvermarkini og byrjar kl 18.00.
Leygardagin 04 mai tekur 1.liðið á heimavølli ímóti Rønne FB. Dysturin byrjar kl 15.30. Rønne liggur á einum 9. plássi, ímeðan ÍF Føroyar liggur beint undir niðurflyting á einum 13. plássi. Vinna okkara menn, kunnu teir koma uppum niðurflyting.
Leygardagin tekur 2.liðið á útivølli ímóti B.1908. Dysturin byrjar kl 13.00. Okkara 2.lið hevur vunnið allar sínar dystir higartil í ár.
Sunnudagin 05 mai tekur kvinnuliðið ímóti Fremad Valby. Hesin dystur verður leiktur á Kløvermarkini kl 13.30. Kvinnurnar hava enn sín fyrsta sigur til góðar.
Fleiri dystir eru á skránni hjá ÍF Føroyum hesa vikuna.
Hósdagin 11. apríl eru tveir dystir á skránni:
Kvinnurnar leika á útivølli ímóti Fix. Dysturin verdur leiktur í Tingbjerg IP og byrjar kl.19:00. Hetta er fyrsti dysturin hjá kvinnunum hetta kappingarárid.
2. lid hjá monnunum leika á heimavølli ímóti ØKF 2. Dysturin verdur leiktur á Kløvermarkini og byrjar kl.18:30.
Fríggjakvøldid 12/4 leika 1. lid hjá monnunum á útivølli ímóti HB. Dysturin verdur leiktur á Fælledparkini og byrjar kl.20:15.
Síðsta umfar í vetrarhálvuni verður leikt í morgin, leygardagin 03.nov. Allir dystirnir eru á Kløvermarkini. Komið og stuðlið tað síðsta í ár.
1.liðið spælir kl 15.15 ímóti Husum Bk. Føroyar liggur á einum áttanda plássi, ímeðan Husum Bk liggur á triðja plássi. Við einum sigri í morgin, kunnu okkara menn enda sína hálvu á einum 5.plássi, ið er sera flott, síðan hetta einans er annað árið í deildini. Tó skal sigast, at kappingin hjá 1.liðnum er deild út yvir eitt heilt ár, so teir forseta í somu kapping eftir vetrarsteðgin.
2.liðið leikar sín síðsta dyst kl 13.00 ímóti Skjold. Tað hevur ikki gingið væl hjá øðrum liðnum og liggja teir tí til niðurflyting.
Kvinnurnar leika eisini sín síðsta dyst í vikuskiftinum. Hann er kl 11.15 og verður leiktur ímóti Tårnby FF. Kvinnurnar liggja á einum 6.plássi og við einum sigri í morgin, ber til at rykkja upp á eitt 5.pláss.
3.liðið eru lidnir við sína kapping. Teir hava klárað seg fyrimyndarliga væl og liggja á einum fyrstaplássi. Tó skal sigast, at liðið, ið liggur á øðrum plássi hevur eitt stig minnið og manglar enn sín síðsta dyst. Fyrsta plássið er tískil ikki tryggjað enn, men tað er nógv at fegnast um, tí óansæð, hvat hendur í tí dystinum, rykkja okkara menn upp í eina hægri deil.
7.mans liðið leikti sín síðsta dyst seinasta vikuskifti og liggja eisini á einum fyrstaplássi. Teir hava fulla úrtøku og 46 mál eftir 9 dystum.
Køv ikki eldhugan og tillukku við flottu úrstlitunum!
Tummas Justinussen er okkara næsti leikari á bonkinum. Sterki miðvallarin er uppvaksin úti á Argjum. Í 2012 flutti Tummas til Danmarkar at lesa til lækna og hevur nú fá semestur eftir, áðrenn hann kann kalla seg Dr.Justinussen.
–
Lýs teg sjálva/sjálvan sum fótbóltsspælara við 3 orðum: Miðja, Verja, Málmaður.
–
Svevur tú 8 tímar hvørja nátt? Ja, um ikki meira. Tað kemur sjáldan fyri, at eg ikki fái 8 tímar.
–
Fleiri lutaseðlar ella hægri limagjald? Lægri løn til Niels og Tórður. Uttan at vita hvat teir fáa, so haldi eg at tað er ov nógv 😉 Um tað ikki ber til vegna langtíðarsáttmálar, so hægri limagjald.
–
Hvønn sang áttu øll at hoyrt minst einaferð og hví? Alt ov nógvir sangir kunnu nevnast her, men ”Time – Pink Floyd” er væl eitt gott boð.
–
Nær vaskaði tú skinnararnar seinast? Tað er 3 mdr. síðani, so teir eru so at siga gull-reinir enn.
–
Besti leikari tú hevur leikt við? Bogi Løkin Men góða eydnu við at fáa hann at indrømma tað!
–
Besta ÍF Føroyar ball? Nógvar góðar veitslur, men velji ársveitsluna fyri 2 árum síðani.
–
Hvat er ein góður kossur? Tá fyrrverandi formaðurin, Andras Drangastein, kom rennandi inn á vøllin eftir vit høvdu vunnið onkran dyst við AB (Ja, tað hendir seg, um sjáldan, at AB vinnur…), so kom tað fyri, at man fekk ein formidablan muss ella tveir. Harnæst vil eg siga, at ein góður erligur kossur frá damuni kemur nummar tvey, uttan iva.
–
Besta minnið av Kløvermarkini? Eg slapp einaferð at skjóta eitt fríspark. Skoraði gott nokk ikki, men glaðari havi eg aldrin verið. Tvass, besta minni er nokk síðsti dystur áðrenn vi rykktu upp úr Seriu 1.
–
Hvør hevur flottastu reyv á liðnum hjá tær? Beinir hevur eina væltrenaða reyv, og tá maðurin við teimum brúnu beinunum eisini vísur ein næstan ryttmiskan eginleika í at svinga hana, tá hann rennur á vøllinum, so fær hann mína stemmu. ”Hips Don’t Lie” – Shakira (2005)
–
Hvat er tað besta við ÍF Føroyum? Samanhald. Góð menniskju, sum koma saman við einum sterkum felagsnevnara – Manglandi integratión í danska samfelagið. Kundi ikki verið betur.
–
Hvat er tað besta skoritriksið? Eg gekk 9 ár í sama fólkaskúla og 2 ár í sama studentaskúlaklassa sum daman, áðrenn vit komu saman, so mín ”success rate” er nokk ikki naka at reypa av. Vildi greina harav, at áhaldni kundi verið mítt skoritriks, men tað ljóðar beinleiðis syrgiligt og eggjar næstan til ”stalking”. Havi hoyrt at Teitur W. Justinussen dugir karate (ella muay thai, whatever..), man tað ikki verða ein sikkur ”icebreaker”?
–
Hvør syngur best á tínum liði? Ein Jan Schwartz, kanska? Mín innari ”Simon Cowell” fer at spýla oyruni út til ársvetsluna í november, har finnast heilt sikkurt nakrir óbrýndir diamantar ímillum ÍF Føroyar limirnar.
–
Hvørji ritualir/vanar hevur tú á dystardegi? Eingin ritualir. Men tíverri møti eg nokk stabilt nakrar minuttir seinni enn ásettu tíðina til dyst, so lat okkum bara siga at tað er tilætlað sum eitt ritual, sum skal hjálpa mínum fótbótsspælið, so sleppi eg kanska undan onkrari skolu í framtíðini.
–
Hvat er títt besta persónliga fótbóltsminni? Mín fótbóltskarriera er ikki lukrativ samanborið við tær stóru kanónirnar, sum sita (og hava sitið) í umklæðingarrúminum hjá ÍF Føroyum. Tað var stuttligt spæla mín fyrsta fulla dyst í bestu føroysku deildini og vinna óvæntað á NSÍ á útivøllið. Eg var eisini við til at sláa TB (við m.a. Niels Strøm Rødgaard á holdkortinum) úr steypakappingini í mínum bert næsta fótbóldsdysti fyri besta mansliðið hjá AB í 2009. Undarligt, at tað minni bara blívur betur og betur, hvørjaferð eg endurgevið tað fyri honum…
–
Hvør er stuttligasti persónur á liðinum? Nógvir stuttligir fýrar. Men haldi Teitur Tausen fær mína stemmu, so sleppur hann frá at stemma uppá seg sjálvan.
–
Hvat er tað besta við Føroyum? Familja, vinir, náttúran og maturin. (Hóast eg haldi at blóðpylsa er eitt gott dømi um, at eitt kreativt hugskot ikki altíð er í samsvarið við at verða eitt gott hugskot…)
–
Er tað nakað, sum ÍF Føroyar kundi gjørt øðrvísi? Um ja, hvat? Haldi vit leikarir kundu verið betur til at melda til og møta upp til venjingar og dystir. Haldi at nevnd og venjarar gera eitt framúr arbeiði, hóast mín speiska kommentar til lønarviðurskiftini hjá høvuðsvenjarunum.
–
Um tú kundi hitt og prátað við ein kendan søguligan persón, hvør skuldi tað verið? Leonardo da Vinci hevði verið interessantur at hitt. Hann virkar sum ein nýhugsandi persónur, og um ikki annað, hevði eg nokk gjørt eitt gott arbeiði sum model til Mona Lisa málaríðið. Havi eisini hárið til tað.
–
Skal leysi endin á wc-rulluni vera inn ímóti ella út frá vegginum? Uttan at hava eina sterka meining um evnið sigi eg “út frá”.
–
Hvat skulu vit spyrja næsta leikara? Er ananas á Pizza eitt okay konsept?
