Tveir dystir eru á skránni í kvøld, fríggjakvøld 4.oktobur.
1.liðið leikar á útivølli ímóti BK Fix. Dysturin byrjar kl 18.30
Kvinnurnar skulu í Valby taka ímóti AC Iben. Dysturin byrjar kl 18.00
Køv ikki eldhugan!
Dystir í vikuskiftinum
Dystaryvirlit hetta vikuskiftið
Fýra dystir eru á skránni hetta vikuskiftið.
Leygardagin 28. septembur eru tríggir dystir á skránni:
- 1. lið hjá monnunum spælir á heimavølli ímóti Vigerslev Bk. Dysturin byrjar kl.15:15 og verður leiktur á Kløvermarkini.
- 2. lið hjá monnunum spælir á útivølli ímóti Vigerslev 2. Dysturin byrjar kl.11:15 og verður leiktur í Valby IP.
- 7-mansliðið spælir á útivølli ímóti FB. Dysturin byrjar kl.15:00 og verður leiktur á Jens Jessens Vej.
Sunnudagin 29. septembur er ein dystur á skránni:
- Kvinnurnar spæla á heimavølli ímóti CBS Sport. Dysturin byrjar kl.13:30 og verður leiktur á Kløvermarkini.
Køv ikki eldhugan!
Dystir í vikuskiftinum
3 dystir eru á skránni í vikuskfitinum og allir verða leiktir á Kløvermarkini.
Leygardagin 21 septembur kl 15.00 leikar 1.liðið ímóti liðnum úr Christiania, CSC, ið eisini hevur heimavøll á Kløvermarkini. Bæði liðini hava 8 stig og er tað einans 3 stig upp til annað plássið í deildini.
Tveir dystir eru á skránni sunnudagin 22 septembur. 2.liðið tekur ímóti Dragør. Dysturin byrjar kl 15.15. Dragør liggur fremst í deildini við 13 stigum, 3 stig framman fyri okkum. 2 liðið hevur vunnið tveir teir seinastu dystirnar og við einum sigrið sunnudagin, kunnu teir koma at spæla, har tað er stuttligast.
Kvinnurnar skulu í grannauppgerð ímóti KFB. Dysturin byrjar kl 16.00. Tað hevur ikki gingist væl hjá kvinnunm, men við eitt sindur av hepni, kemur fyrsti sigurin til góðar sunnudagin.
Køv ikki eldhugan!
Dystir í vikuskiftinum
Tveir dystir verða á skránni hetta vikuskiftið.
Leygardagin 14. septembur 1.liðið tekur á heimavølli ímóti Fr. Holm Sydhavnen. Dysturin byrjar kl 15.15. Bæði liðini hava 5 stig hvør.
Sunnudagin 15. septembur taka kvinnurnar ímóti Fremad Amager. Dysturin verður á Kløvermarkini og byrjar kl 13.30. Eftir tveir óuppibornar ósigrar skulu arbeiðshandskarnir á, tí Fremad Amager liggur á 1.plássi.
Køv ikki eldhugan!
Leikarin á bonkinum – Katarina Karbech Saxov
Á bonkinum í dag hava vit 26 ára gomlu Katarinu Karbech Saxov. Hon hevur síni ungdómsár spælt fótbólt úti á Argjum og seinni við B36. Í 2015 flutti hon til Danmarkar og byrjaði at lesa International Hospitality Management og bleiv liðug við tað í januar í ár. Katarina valdi at fara víðari og lesur nú kandidat í Tourism á Aalborg Universitet í Keypmannahavn.
Lýs teg sjálva/sjálvan sum fótbóltsspælara við 3 orðum:
Kappingarsinnað, øsi meg lætt til dyst, fín innlegg, gott vinstrabein (ups har vóru meir enn 3)
Svevur tú 8 tímar hvørja nátt?
Nei ikki hvørja nátt, men næstan hvørja
Fleiri lutaseðlar ella hægri limagjald?
Lutaseðlar er okay
Hvønn sang áttu øll at hoyrt minst einaferð og hví?
”Argir” hjá Hans Jacob Karbech Mouritsen. Fái gásarhúðhvørjaferð
Nær vaskaði tú skinnararnar seinast?
Minnist ikki, men teir vera altíðluftaðir væl út eftir dyst
Besti leikari tú hevur leikt við?
Olga Kristina Hansen (viðAB)
Besta ÍF Føroyar ball?
Taðer ein góður spurningur, tey eru altíðgóð! men tey bestu vóru Summershakedown í 2017 og ársveitslan í 2017
Hvat er ein góður kossur?
Tað er ein sum fær tað at kitla í búkinum
Besta minnið av Kløvermarkini
Tann 3. Nov. 2018, tá vit vunnu 3-1 ímóti Tårnby FF. Tá endaðu vit sum nr. 5 í Københavnerseriuni, sum var taðbesta úrslitiðhjá kvinnunum í 4,5 ár.
Málskjúttar vóru Helena Johannesen, Vár Næs og eg! Veðrið var eisini so gott, so tað var bara ein deiligur dagur!
Hvør hevur flottastu reyv á liðnum hjá tær?
Uttan iva Kristianna Ballééé
Hvat er tað besta við ÍF Føroyum?
Samanhaldið, bæði til venjing og ball
Hvat er tað besta skoritriksið?
Taðeru nógv triks, sum eru góð, t.d. eitt fitt blink 😉
Hvør syngur best á tínum liði?
Barbara á Lídarenda
Hvørji ritualir/vanar hevur tú á dystardegi?
Sovi ca. 8 tímar náttina áðrennog eti ein góðan morgunmat/frokost
Hvat er títt besta persónliga fótbóltsminni?
Í 2009 tá vit skrivaðu søgu í AB og gjørdust steypavinnarar, har vit vunnu 2-1 ímóti Kí.
Hvør er stuttligasti persónur á liðinum?
Rakul Johannesen, sum tíverri ikki er so ofta viðfyri tíðina. Annars er tað
Maria Syderbø Mikkelsen
Hvat er tað besta við Føroyum?
Friðurin, maturin, familja og vinir
Er tað nakað, sum ÍF Føroyar kundi gjørt øðrvísi? Um ja, hvat?
Hmmm, nei ikki ordiliga nakað, sum eg kann koma í tankar um. Alt er gott!
Um tú kundi hitt og prátað við ein kendan søguligan persón, hvør skuldi tað verið?
Nelson Mandela
Skal leysi endin á wc-rulluni vera inn ímóti ella út frá vegginum?
Út frá vegginum!
Er ananas á Pizza eitt okay konsept?
Jaaaa, hvør dámar ikki Hawaii??
Hvat skulu vit spyrja næsta leikara?
Coca Cola ella Pepsi?
Dystir í vikuskiftinum
1.liðið leikar longu í kvøld kl 19.00 ímóti FK Prespa. Dysturin verður spældir á útivølli í Ryparken. Liðini hava 5 stig hvør, so lagt er upp til ein spennandi dyst.
Í morgin, leygardagin 7. septembur eru tveir dystir á skránni.
2.liðið tekur á heimavølli ímóti B1908. Dysturin byrjar kl 15.00. Eisini teir liggja javnir í stigum.
Kvinnurnar skulu út í Valby at leika ímóti PI fodbold. Dysturin byrjar kl 11.15.
Sunnudagin 8. septembur leikar 7-mans liðið ímóti Rikken.
Køv ikki eldhugan!
Dystir í vikuskiftinum
1.liðið spælir í dag kl 15.15 á Kløvermarkini ímóti CBS Sport. CBS Sport hevur 1 stig minni enn okkara lið, so tað eru týdningarmikil stig at vinna í dag.
Sunnudagin spælir 2.liðið ímóti Skjold. Dysturin verður spældir í Ryparken kl. 15.15. Eftir tveir dystir liggja 5 lið á einum deildum 1.plássi og við einum sigrið ímóti Skold hava teir møguleika at leggja nøkur av liðunum afturum.
Kappingin hjá kvinnunum byrjar eisini í vikuskiftinum. Á heimavølli taka tær ímóti ímóti Nørrebro United. Dysturin byrjar kl 13.30.
Veðrið er av tí allar fínasta, so tak sólkrem undir armin og kom yvir á Kløvermarkina og stuðlið okkara liðum.
Køv ikki eldhugan!
Jón Clementsen heldur áfram sum lækni hjá ÍF Føroyum
ÍF Føroyar fegnast um, at Jón Clementsen, sum hevur verið knýttur at felagnum síðani 2018, velur at halda áfram sum lækni hjá ÍF Føroyum.
Jón bleiv útbúgvin lækni í 2015. Umframt hetta hevur hann tikið fleiri skeið fyri at gerast diplomlækni í ítróttarmedisin. Til dagliga arbeiðir Jón á Nykøbing Falster og Hvidovre sjúkrahúsinum, har hann er undir serlæknaútbúgvingini til ortopædkirurg.
Jón hevur trivist væl í hesum arbeiðinum og vil fegin halda áfram. Hann hevur havt nokk at sæð til, og leikararnir í felagnum hava verið glaðir fyri hendan møguleikan.
Jón er sera dugnaligur innanfyri sítt yrki og tí frøðast vit um, at hann er sinnaður at halda áfram.
Køv ikki eldhugan!
Limagjald – Heysthálvan 2019
So er tíðin komin til, at allir leikandi limir felagsins skulu gjalda limagjald.
Upphæddin fyri heysthálvuna er 350 krónur.
Soleiðis verður limagjaldið goldið:
1. Holdsport:
Rita inn á holdsport og fylg vegleiðingini um, hvussu limagjaldið verður goldið.
2. Heimabanka:
Flyt peningin á kontuna hjá ÍF Føroyum. Kontonummarið er: (reg. 6509) 306.178.331.7
Viðmerk navn og ár.
Freistin at gjalda limagjald er 4. septembur 2018. Leikarar, sum ikki hava goldið limagjaldið innan 4. septembur, hava ikki møguleika at luttaka til venjing og dyst, til limagjaldið er goldið. Tí vilja vit heita á tykkum øll at gjalda skjótast gjørligt.
Um ein leikari av einari ella aðrari orsøk ikki hevur møguleika at gjalda innan ásettu freist, er tó møguleiki at gera eina serstaka avtalu við nevndina. Set teg í samband við forkvinnuna, Sunneva Tausen Magnussen, um so er.
Gott kappingarár!
Køv ikki eldhugan!
Nevndin
So fer bólturin aftur á rull
Eftir ein summarsteðg uppá eini 7 vikur byrjar nú enn eitt kappingarár hjá liðunum hjá ÍF Føroyum.
1. lið hjá monnunum hava longu leikt teirra fyrsta dyst. Hesin var á útivølli ímóti Jægersborg Bk. leygardagin og endaði við einum 5-4 sigri til okkara menn. Eisini hevur 7. mansliðið leikt sín fyrsta dyst hesa hálvuna, ið endaði við einum 5-3 sigri.
Tríggir dystir eru á skránni hesa vikuna.
1. lið hjá monnunum spæla í dag, 20. august á heimavølli ímóti Bk. Hellas. Dysturin verður leiktur á Kløvermarkini og byrjar kl.18:45.
Hósdagin 22. august spælir 2. lið á heimavølli ímóti ØKF 2. Dysturin verður leiktur á Kløvermarkini og byrjar kl.18:45. Hetta er samstundis fyrsti dysturin hjá Fróða Ludvíg sum venjara hjá ÍF Føroyum.
Leygardagin 24. august spælir 7. mansliðið á útivølli ímóti Sundby Bk. Dysturin verður leiktur í Sundby/Kløvermarkini og byrjar kl.10:00.
Køv ikki eldhugan!
ÍF Føroyar hevur í kvøld skrivað sáttmála við fýra nýggjar venjarar.
Síðani tad gjørdist greitt at hvørki Niels Strøm Rødgaard ella Ragnar Poulsen hildu fram sum venjarar hjá ÍF Føroyum, hevur felagið leitað eftir einum nýggjum venjaratoymi.
Tórður Hentze sum í fýra ár hevur virkað sum venjari hjá kvinnuliðnum hjá ÍF Føroyum tekur nú við sum 1. liðsvenjari hjá monnunum. Afturat honum verður tað Fróði Ludvig, sum kemur at virka sum 2. liðsvenjari. Hóast Fróði er eitt nýtt andlit í ÍF Føroyum er hetta ikki fyrstu ferð hjá Fróða sum venjari hjá einum útisetafelagi. Fróði hevur áður verið venjari hjá FF Klettum, útisetafelagið í Århus.
3. liðið, sum Mathias Samuelsen, hevur staðið á odda fyri, er tikið úr kappingini. Felagið takkar Mathias fyri tíðina.
Hjá kvinnunum vera tað Heðin Lisberg Olsen og Jónfríð Hansen, ið koma at taka við eftir Tórð. Bæði Heðin og Jónfríð kenna felagið væl og hava havt nógvar leiklutir í felagnum; sum leikarar, nevndarlimir, kassameistari og nú eisini sum venjarar.
Vit ynskja øllum venjarunum góðan arbeiðshug. Samstundis takkar felagið fráfarandi venjarunum fyri tað góða arbeiðið, teir hava lagt í felagið.
Vit gleðast yvir hesi nýggju venjaratoymini, sum uttan iva fara at gera sítt til at komandi hálvár í felagnum fer at eydnast væl.
Køv ikki eldhugan!
ÍF Føroyar longt sáttmála við BankNordik
ÍF Føroyar hevur í kvøld longt núverandi sáttmála við Bank Nordik sum høvuðsstuðul, ið kemur at galda tey næstu trý árini. Vit gleðast um avtaluna, og at vit saman kunnu menna føroyskan útisetafótbólt í Keypmannahavn.
Køv ikki eldhugan!