Fótbóltsútisetar í Keypmannahavn
Mikukvøldið 19. februar kl. 16:00 byrja menninir aftur at venja. Vant verður á nýggja kunstvøllinum.
Annars eru venjingartíðirnar hesar:
Menn:
Mikudag kl. 16:00 og fríggjadag kl. 19:00.
1. liðið hjá monnum venur eisini mánadag kl. 17:30.
Kvinnur:
Mánadag kl. 17:30 og mikudag kl. 19:00
Øll eru hjartaliga vælkomin
Nevndin kann boða frá, at Jacoba Langgaard og Andras Thomassen koma at venja ávikavíst kvinnuliðið og 3. liðið hjá monnum hesa várhálvuna.
Jacoba hevur áður verið leikari hjá felagnum, men nú fer hon so at royna síni evnir sum venjari eisini. Sum skilst ætlar Jacoba ikki at seta gaggurnar á hillina, men fer at virka sum leikandi-venjari. Kvinnurnar eru longu byrjaðar at venja, og tær venja mánakvøld kl. 17:30 – kl. 19:00 og mikukvøld kl. 19:00 – kl. 20:30.
Andras er ein gamal kenningur hjá felagnum, og hevur hann fyrr staðið á odda fyri kvinnuliðnum, 1.- og 2. liðið hjá monnum. Nevnast kann, at Andras m.a. var við til at fáa besta liðið hjá monnum upp í Keypmannahavnarseriuna fyri tveimum árum síðani. Hetta kom væl við, eftir at felagið ikki hevði leikt í Keypmannahavnarseriuni síðani kappingarárið 2006/2007.
Vit ynskja Jacobu og Andrasi hjartaliga vælkomnum í venjarastørvini hjá felagnum, og ynskja teimum góða eydnu við kappingarárinum.
Samstundis vil nevndin takka Miriam J. Michelsen og Eyðuni Mylná fyri drúgva tænastu í felagnum, og vit vóna at síggja tey aftur á Kløvermarkini í framtíðini.
Nevndin
Nú ber til at melda lið til árligu innandurakapping felagsins, sum verður leygardagin 1. mars. Kappingin verður eins og undanfarnu ár í snotiligu Svanemøllen hallen. Tríggir tímar eru settir av til at avgreiða kappingina, so tað er at møta stundisliga og til dystin fús. Kappingin byrjar klokkan 17.00 og endar klokkan 20.00. Kappingin er almenn og øll áhugaði eru vælkomin at luttaka.
Hvørt lið er mannað við fýra leikarum á vøllinum, umframt at hvørt lið kann hava ein útskiftara. Hvørt lið hevur ein kontaktpersón, sum meldar liðið til kappingina, við at flyta luttøkugjald á 500 krónur á konto okkara í Danske Bank við reg.nr. 3148 og kontonr. 314.813.120.1 og viðmerkir navnið á kontaktpersóninum hjá liðnum. Tá hetta er gjørt sendir tú ein mail til nevnd@fotboltur.dk har tú upplýsir navn á kontaktpersóni, navn á liðið, upplýsir telefonnummar og upplýsir nøvnini á øllum leikarunum.
”Først til mølle”-prinsippið verður brúkt.
Sum vanligt, so skipa kvinnurnar seg sjálvar henda dagin. Tilmelding til kvinnuliðini fer fram vid at skriva til Gunvá Joan Pálsson á facebook. Tit frætta seinni meira á facebook síduni hjá kvinnunum.
Nærri reglur og skrá verða kunngjørd seinni.
Vinarliga
Nevndin
Kvinnurnar eru nú byrjaðar at venja aftur, og vónandi koma nógvar gentur at venja, og vónandi møta allar væl upp til venjingarnar eisini.
Vit venja:
-Mánadag kl. 17.30-19.00 á gamla vøllinum
-Mikudag kl. 19.00-20.30 á nýggja vøllinum
Møtast í skiftirúmi nr. 38
Vinarliga Jacoba
Árligi aðalfundurin hjá ÍF Føroyum verður í festlokalinum á Oyrarsunds Kollegiinum mánakvøldið tann 17. februar kl 20:00.
Skrá sambært viðtøkum felagsins
Møti fjølment
Nevndin
Sunnudagin 18. januar spældu kvinnurnar móti KFB úti í O.M. høllini. Kvinnurnar skuldu reisa seg aftur eftir stór tap síðsta dyst.
Kvinnurnar løgdu hart út og eftir longu 5 minuttir var støðan 2-0 til okkum. KFB minkar tó skjótt um munin til 2-1, men kvinnurnar hjá okkum falla ikki í fátt, men kempa hart víðari og fara til hálvleiks frammanfyri 3-2. Í hálvleikinum verður avtala, at tær skula royna at fáa eitt skjótt mál og spæla skjótt spæl, tí tá kláraðu tær ikki at fylgja við.
Avtalurnar vera hildnar og seinni hálvleikur er bara fáar minuttir gamal, tá okkara fáa eitt mál. Kvinnurnar spæla væl, men hava ikki bóltin líka nógv, sum KFB, men klára kortini at fáa tvey mál afturat og vinna dystin 7-4.
Ein góður dystur við nógvum málmøgulleikum, har okkara høvdi bóltin minni, men kortini kláraðu at brúka teir kjansirnar tær fingu og vinna dystin.
Málini skoraðu Kristina (3), Eir og Jacoba (2)
Liðið til dystin: Sára Samuelsen, Kristina Simonsen, Fríða Beder, Eir Hansen, Maria Í Brekkunum, Jacoba Langgaard og Simona Heinesen
Undirhaldari á bonkinum: Brynja
Kvinnurnar spæla aftur sunnudagin 2. februar kl. 15.00 móti BK Døvania.
Í kuldanum sunnumorgunin hin 26. januar, spældi fyrsta liðið hjá ÍF Føroyum á útivøllin móti Amager FF, sum til dagligt spælur í ”københavnarserien”. Dysturin var spældur á kunstoffvøllininum úti í Kastrup, og endaði dysturin við einum greiðum 9-0 sigri til ÍFF.
Til dystin vóru 13 leikara við og sá liðið soleiðis út frá bryjan: Mathias – Bárður, Oddur, John, Emil – Rói, Tummas, Erland, , Sigurð – Chr. Høgni & Hanus. Á bonkinum sótu: Jóhan Petur & Bartal, ið komu inn frá byrjan av seinna hálvleiki.
Um dystin sjálvan er ikki tað stóra at skriva, og sum úrslitið greiður frá, var stórur munur á liðinum, men alt í alt; ein góð byrjan uppá nyggja árið og fleiri góðar taktir í ársins fyrstu avbjóing. Serliga fingu vit møguleika at royna álopsspælið, sum til tíðir riggaði sera væl. Í fyrra hálvleiki var tað serliga nýggji leikarin Hanus Mortensen, ið vísti seg fram við at skora øll 4 málini í fyrra hálvalieki. Saman um tikið, hevði Amager FF lítið at bjóða uppá, og tá teir royndu at spæla seg fram, var okkara væl spælandi verja fyri hvørja fer.
Í seinna hálveliki var spælið tað sama; ÍFF skaptu eitt álop fyri og annað eftir. 5 mál komu í seinna hálvleiki og tey skoraðu: Chr. Høgni 2, Bartal, Tummas og Jóhan Petur hvør sítt.
Næsti venjingardystur verður leygardagin 15. februar kl. 14.00 ímóti FA 2000
Venjingartíðir hjá 1. Liðinum á nýggja kunstvøllinum:
Mikudag kl. 16.00 – 17.30
Fríggjakvøld kl. 19.00 – 20.30
1. liðshópurin byrjar at venja aftur fríggjakvøldið 17 januar kl. 19.00. Hópurin kemur at venja 2 ferð um vikuna, á tí nýggja kunstgræsvøllinum:
Mikukvøld kl. 19.00 – 20.30
Fríggjakvøld kl. 19.00 – 20.30
ÍF Føroyar hevur eisini tann gamla kunstgræsvøllin 2 ferðir um vikuna:
Mánnadag kl. 17.30 – 19.00
Fríggjkvøld kl. 19.00 – 20.30
Sum nú er, hava vit fingið avtalað 5 venjingardystir:
26.01.14 Amager FF – ÍF Føroyar kl. 10.45
15.02.14 FA 2000 – ÍF Føroyar kl. 14.00
08.03.14 ÍF Føroyar – B1908 kl. 14.00
23.03.14 CSC – ÍF Føroyar kl. 12.15
Møguliga fáa vit ein ella tveir venjingardystir afturat.
2. og 3. lið byrja at venja aftur um hálvan februar, nærri info um hetta verður at hoyra seinni.(frá Sjúrði)
Eftir er bara at vóna, at menn eru klárir uppá ein nýggjan uppstart og minnist til at melda til venjing á holdsport.
v/chj
Sunnudagin 5. januar spældu ÍF Føroyar kvinnur futsal dyst ímóti Sundby.
Av tí at fleiri av teimum, sum vanliga spæla vid ÌF Føroyum, ikki eru komnar niður til Danmarkar aftur eftir jólaferiuna, var ringt at finna fólk til hendan dystin. Tað sást eisini aftur á úrslitinum, ið gjørdist 6-1 til Sundby. Mótstøðuliðið hevði mest sum alt spælið, og tær høvdu eisini munandi meira orku enn føroysku genturnar. Simona, sum stóð í málinum, hevði úr at gera og stóð ein branddyst. Monika skoraði einasta málið fyri ÌF Føroyar.
ÌF Føroyar liðið var mannað av Moniku Samuelsen, Simonu Heinesen, Nikolinu Kristiansen, Sáru Samuelsen, Fríðu Beder og Barbaru Finnsdóttir.
Sunnudagin 14. desembur vóru okkara kvinnur ein túr í Bellahøj har tær møttu studinunum fra USG. Hetta var triðji og seinasti futsal dystur í ár og hann skuldi sjálvsagt vinnast. Hóast lítla og onga fótbóltsvenjing í vetur megnaðu tær kortini at vísa góðan fótbóltsanda (kanska eitt sindur títtan) og vinna 2-0 á USG.
Tað fyrsta málið í dystinum varð skorað av Moniku longu í 5. minutti. Jacoba og Monika fintaðu og spældu 1-2 framm eftir vøllinum og síðani fekk Monika skotið bóltin í netið. 1-0 til heimaliðið. Tað seinna málið varð skorað av Barbaru í 35. minutti. Í besta Suarez stíli dive’aði Jacoba beint framman fyri hálvuna og tað gav Barbaru møguleikan at knalla bóltin beinleiðis í netið til endaliga úrslitið 2-0. Kvinnurnar liggja tíðskil nú á fyrsta plássi í deildini við sjey stigum. Fýra dystir eru eftir í kappingini og hesir verða leiktir í januar og februar. Næsti dysturin hjá kvinnunum verður í Sundby Hallerne sunnudagin 5. januar kl. 14.00, har kvinnurnar skulu møta Sundby Bk. ið liggja á einum øðrum plássi við 6 stigum.
Á liðnum sunnudagin vóru Simona Heinesen, Jacoba Langgaard, Monika Samuelsen, Barbara á Dunga, Kristina Simonsen, Fríða Beder og Maria í Brekkunum.
Góðu tit øll!
Komandi ár fyllir ÍF Føroyar 75 ár, og hettar skal hátíðarhaldast!
Felagið fer at hátíðarhalda dagin í Føroyahúsinum leygardagin 5. apríl 2014. Í hesum sambandi er ætlanin at hava eina almenna framsýning við gomlum myndum, søgum og minniligum hendingum úr søgu felagsins.
Tískil hava vit tørv á tykkara hjálp!!
Um tú, foreldur tíni, ommur og abbar ella onkur heilt annar liggur inni við gomlum myndum, stuttligum søgum ella øðrum viðkomandi tilfari frá tykkara tíð í ÍF Føroyum, so hevði verið stuttligt um tit kundu sent okkum tað í einum telduposti til nevnd@fotboltur.dk.
Fyri at kunna skipa innkomna tilfarið sum frægast, hevði tað verið til stóra hjálp, um tit kundu viðmerkt: Hvat ár myndin er tikin, hvar hon er tikin, og hvør er á henni. Hetta kann sjálvsagt verða torført at minnast, men tit kunnu royna eftir førimuni.
Vit vilja heita á tykkum um at deila hesa áheitan við vinir og familju, soleiðis at boðskapurin røkkur út til so mong sum til ber. Vit vóna at fáa nógv gott tilfar inn, soleiðis at 75 ára dagur felagsins kann gerast ógloymandi.
Alt er kærkomið!
Frammanundan tøkk fyri tykkara hjálp.
Við føðingardagskvøðu
Nevndin
Tann 07.12.13 Kl. 17:00.00, spældu kvinnurnar sín næsta futsal dyst hetta kappingarárið. Hesuferð var mótstøðu liðið BK Skjold.
Okkara kvinnur komu væl frá byrjan og løgdu seg á odda longu í fyrsta minutti við einum kanónskotið frá Heidi hjá fjallabbanum á Lakjuni. Í 8. minuttir økir henda sama Heidi um leiðsluna.
Kvinnurnar megna tó ikki at halda leiðsluna og fara tí til hálvleiks við einum 2-2 javnleiki. Aftur í dag er bara ein útskiftari vid. Í besta Ashley Young stíli roynir Heidi at dive´a, men fær ikki straffi, bara eina brotna hond. Nú sær tad svart út hjá okkara kvinnum.
Nú fara einans 5 troyttar gentur út til seinna hálvleik og spæla meira verjukent. Simona stendur sum ein brandur í málinum. Hinar gera ikki so nógv. Dysturin endar 3-3 og sum heild kunnu vit vera nøgdar vid úrslitið.
Liðið í dag: Simona Heinesen, Sunneva Magnussen, Eir Hansen, Heidi á Lakjuni, Barbara á Dunga og Lív Olsen.
Næsti dystur verður sunnudagin 15.12.13, kl. 15:00:00, ímóti USG Q í Bellahøjhallen, vinarliga ikki koma at hyggja.