Kategori: Leikarin á bonkinum

Udgivet den

Leikarin á bonkinum – Annika Dam

So eru venjingarnar av álvara byrjaðar aftur og liðini eru í gongd við at gera seg klár til kappingarbyrjan!

Leikarin á bonkinum hesaferð er Annika Dam. Hon er 26 ára gomul og er úr Havn (Hoyvík). Annika flutti niður til Danmarkar í 2021 á lestrarøðrinum. Í summar bleiv hon liðug við útbúgin sína sum socialráðgevi, so nú er spennandi at fylgja við hvat framtíðin hevur at bjóða henni.

Annika hevur verið partur av kvinnuliðnum hjá okkum seinastu árini og hevur tessvegna fingið heiðurin sum leikarin á bonkinum:

Lýs teg sjálva/sjálvan sum fótbóltsspælara við 3 orðum:
* kappingarsinnað
* kappingarsinnað
* kappingarsinnað

Svevur tú 8 tímar hvørja nátt?
Nei, men fái uppí móti teimum átta nú Skarv(rip) er lukkað

Hvønn sang áttu øll at hoyrt minst einaferð og hví?
Vit sigldu út og/ella Regnid oysir niður!
Hasar sleppur mann ikki undan at hoyra til hvørja veitslu og dystir hjá okkum kvinnum💃🏼💓🍕

Nær vaskaði tú skinnararnar seinast?
ikki eg sum vaskaði, men blivu seinast vaskaðir tá eg av óvart hevdi gloymt teir eftir í sokkumum eftir ein dyst, og endaðu tískil í vaskimaskinuni. Hetta má vera einaferð í fjør💩

Besti leikari tú hevur leikt við?
Ringt at velja, har hava verið fleiri heilt ótrúliga nógvar góðar. Men um eg skal velja onkrar fáar burturúr, so haldi eg Arnborg, Jónvá og Evy kunnu nakad heilt serligt.
Sarita er eisini heilt ok tá hon tímur.

Besta ÍF Føroyar ball?
Tey eru altíð líka góð! Men fari at siga Summer Shakedown 2021 var nakað heilt serligt, tí tað var mín fyrsta veitsla🤠

Hvat er ein góður kossur?
Havi ongan fingið enn, so tað má onkur koma at vísa mær🥵

Besta minnið av Kløvermarkini?
Eisini her, er tað altíð nakad heilt serligt at traðka á Kløver. Men tá eg hevði fødingardag í fjør, møttu øgiliga nógv fólk upp at heppa við skeltum og øllum sum hoyrir til. Eftir dystin grillaðu vit og fingu kaldar bjór. Tad slær aldrin feil.

Eisini var tað ein ógloymadi løta tá vit í fjør kvaliseraðu okkum til Gjensidige Kvindepokal eftir straffikapping.

Hvør hevur flottastu reyv á liðnum hjá tær?
Har eru nógvar fittar rumpur, men haldi allar eru einigar í at Olly eigur tí flottastu🍑

Hvat er tað besta við ÍF Føroyum?
Samanhaldið, nevndin, venjingarnar og ikki minst veitslurnar.
Í stuttum: ALT🏆

Hvat er tað besta skoritriksið?
Siga at eg spæli við ÍF FO😏

Hvør syngur best á tínum liði?
Victoria man teljast sum teir kendastu sangarnir í fo saman við teimum úr Frændi, Teitur og Eivør. So hon má fáa heiðurin. Men sigast skal at Bjørt tók øll á bólið á ársins G! so hon skal sleppa at deila heiðurin við Vic🥰

(hint: kanska arbeiða tær uppá ein nýggjan ÍF FO sang?)

Hvørji ritualir/vanar hevur tú á dystardegi?
Skunda mær at connecta til tann flovisliga hátalaran áðrenn Elisa er nakad eg gangi høgt uppí😤

Hvat er títt besta persónliga fótbóltsminni?
Har eru so nógv góð, millum annad tey eg havi lýst longri uppi. Útyvir tað, so teljast tey mongu gullmerkini og landsliðsferðirnar har ímillum

Hvør er stuttligasti persónur á liðinum?
Jónhild. Ikki tí hon er serliga stuttlig, men hon er bara hon. Ein vanligur suðuroyingur. Tað kann bara okkurt

Hvønn leikara skulu vit spyrja næst?
Haldi eg fari at senda hetta yvir aftur til mannfólkasíðuna, so sjálvandi skal Eiler sleppa at fortelja eitt sindur um tad heila😎

Udgivet den

Leikarin á bonkinum – Martin Midjord

So eru vit so smátt við at vakna aftur úr dvala og hesuferð er leikarin í heita sessinum Martin Midjord. Hann er 34 ára gamal og uppvaksin á Argjum, har hann øll síni ár hevur spælt fótbólt við Argja Bóltfelag. Í 2017 flutti Martin til Keypmannahavnar, har hann hevur havt drúgvar fótbóltsroyndir, bæði sum leikari hjá ÍF Føroyum monnum og sum venjari hjá kvinnuliðunum hjá ÍF Føroyum og Sundby Boldklub.

Lýs teg sjálva/sjálvan sum fótbóltsspælara við 3 orðum:

Frintligur, gladur og ímøtikomandi

Svevur tú 8 tímar hvørja nátt?

Ja, tad má man gera, ella fungerer man slett ikki.

Fleiri lutaseðlar ella hægri limagjald?

Hægri limagjald

Hvønn sang áttu øll at hoyrt minst einaferð og hví?

Uhh ha, hetta var ein ringur spurningur – eg velji at fortelja um ein sum mær dámar sera væl í løtuni, nevnligani The Door hjá tónleikarnum Teddy Swims – sera gódir!

Nær vaskaði tú skinnararnar seinast?

Gódir spurningur, nú havi eg ikki spælt fótbólt í nøkur ár, men sjálvt tá id eg spæli, vóru skinnarnir ikki oftani í vask – men um eg skal gita, so vildi tad verid í 2010 <3 😉

Besti leikari tú hevur leikt við?
Nógvir leikarar eru um bodi, men eg vildi mett tad at vera Søren Angel.

Besta ÍF Føroyar ball?
Tad er ringt at taka eitt framm um annad, haldi øll eru altíd líka gód.

Hvat er ein góður kossur?

Tann sum eg fái hvønn dag, fra damuni <3

Besta minnið av Kløvermarkini?

Uttan iva tær ferdurnar vit eru flutt upp vid ÍF Føroyar kvinnunum og hvørjaferd vit vinna á Rødovre 😉

Hvør hevur flottastu reyv á liðnum hjá tær?

Ongan kommentar – host host, eg havi nógv tí besti reyvuna 😉

Hvat er tað besta við ÍF Føroyum?

Samanhaldi, ballini og fólki

Hvat er tað besta skoritriksið?

Puha, nú havi eg ikki verid á marknadinum leeeingi, so eg áni tad ikki – har má onkur annar tradka til og fortelja okkurt gott skoritriks 🙂

Hvør syngur best á tínum liði?

Daman hjá mær singur ómetaligani væl, má fara at melda hana til X-factor <3 Victoria er kend sum sangari, hon singur eisini væl 🙂 Annika Dam singur sum ein eingil 😉 <3

Hvørji ritualir/vanar hevur tú á dystardegi?

Eg havi ikki nakrar vanar, eg møti bara upp, skeldi eitt sindur, vinna dystir og so heim aftur 🙂

Hvat er títt besta persónliga fótbóltsminni?

Eg minnist ein dyst vid næst besta lidnum hjá AB, man var lidskipari og skoradi mál frá midjuni – vunnu dystin og tad var ein avgerandi dystir! Tann dysturin situr prentadur í heilanum – fantastiskur dystir 🙂

Hvør er stuttligasti persónur á liðinum?

Tær eru nógvar sum eru stuttligar, men skal eg taka eina burturúr, so er tad Annika Dam – sigur ella ger altíd okkurt stuttligt.

Hvat er tað besta við Føroyum?

Familja, maturin og natúran

Er tað nakað, sum ÍF Føroyar kundi gjørt øðrvísi? Um ja, hvat?

Nei, alt er sum tad skal vera – deiligt og hugnaligt.

Um tú kundi hitt og prátað við ein kendan søguligan persón, hvør skuldi tað verið?

Uttan iva Steven Gerrard – mín fyrimynd.

Skal leysi endin á wc-rulluni vera inn ímóti ella út frá vegginum?

Út frá vegginum.

Er ananas á Pizza eitt okay konsept?

Sjálvandi er tad eitt okey konsept – skilji ikki fólk sum halda tad er nakad galid vid ananas á pitsa.

Hvat skulu vit spyrja næsta leikara?

Skiferia ella sól og strendur?

Udgivet den

Leikarin á bonkinum – Torstein Mýlingstind

Leikarin í heita sessinum hesuferð er Torstein Mýlingstind. Hann er 26 ára gamal og uppvaksin í Kvívík. Hann hevur øll síni ár spælt fótbólt við 07 vestur. Í 2018 flutti Torstein til Keypmannahavn og byrjaði at lesa til byggifrøðing á Københavns Erhvervsakademi.

Lýs teg sjálva/sjálvan sum fótbóltsspælara við 3 orðum: 

Aggresivur, skjótur og illsintur. (Um tað var eitt fjórða, so hevði tað verið, at eg altíð eri blíður við dómaran)

Svevur tú 8 tímar hvørja nátt?

Nei tað er synd at siga, tað liggur millum 6-7 tímar 

Fleiri lutaseðlar ella hægri limagjald?

Hægri limagjald, lutaseðlar eru dráp…

Hvønn sang áttu øll at hoyrt minst einaferð og hví?

Sámal Ravnsfjall – Á Trappuni Hjá Lenu. Ein deiliga bygdasligur sangur, har tey flestu kunnu syngja við.

Nær vaskaði tú skinnararnar seinast?

Við einari lítðari íbúð á ØK verður man noyddur at vaska javnan. Nú eru tað nokk 2 vikur síðani seinasta vask.

Besti leikari tú hevur leikt við?

Ken Fagerberg. Tað hevur ikki verið ein betri ”targetmaður” í føroyskum fótbólti.

Besta ÍF Føroyar ball?

Summer Shakedown 2019, eitt minniligt kvøld.

Hvat er ein góður kossur?

Kossurin frá damuni er nógv best! Men ein kossur frá Niels, so skjótt promillan er yvir 0,01 er eisini fínur.

Besta minnið av Kløvermarkini?

Eg komi ikki í tankar um nakran bestemtan dyst, men fyrra hálva í 2018 var sera stuttlig at spæla, har vit vunnu teir flestu dystirnar, veðrið var av tí allar fagrasta og lagið var sera gott hvørt vikuskifti. 

Hvør hevur flottastu reyv á liðnum hjá tær?

Tað má vera Tórður Hentze, hann plagar at ganga í strømmum buksum/shortsum. 

Hvat er tað besta við ÍF Føroyum?

Tað er 100% samanhaldið, men tað er eisini gott við einum umhvørvi, har tað bæði er pláss til álvara og gaman.

Hvat er tað besta skoritriksið?

Tað er ringt at siga, ein túr út á dansigólvið at gera ormin, tað plagar at imponera.

Hvør syngur best á tínum liði?

Tað má vera Tummas Justinussen. Høvdu Westlife vitað um hann, so hevði hann nokk ikki spælt við Íf Føroyum.  

Hvørji ritualir/vanar hevur tú á dystardegi?

Eg fari altíð tíðliga upp, fái mær ein góðan kaffimunn og ein góðan morgunmat. Annars bara drekka nokk av vatni. 

Hvat er títt besta persónliga fótbóltsminni?

Eftir eina langa og minniliga yrkisleið í 07 Vestur, so eru minnini ikki tey heilt villu, men eitt tað besta minnið er frá 2011, tá vit vóru í steypafinaluni í unglingadeildini. Vit spældu ímóti HB, sum høvdu leikarar sum Hall Hansson, Teit Gestson og Trónd Jensen. Vit vóru eisini væl mannaðir við m.a. Sonna Ragnar Nattestad, Eli Falkvard og Kristiani Joensen, so tað var ein sera stuttligur dystur at spæla, sum vit tó taptu 1-0. 

Hvør er stuttligasti persónur á liðinum?

Tað er Tórður Hentze, hann plagar at koma við onkrum gullkornum.

Hvat er tað besta við Føroyum?

Familjan, vinir, maturin og nátturan. Alt tað er við til at gera Føroyar til eitt fantastiskt land.

Er tað nakað, sum ÍF Føroyar kundi gjørt øðrvísi? Um ja, hvat?

Nei ikki sum eg komi í tankar um.

Um tú kundi hitt og prátað við ein kendan søguligan persón, hvør skuldi tað verið?

Sir Winston Leonard Spencer Churchill. Ein gløggur maður, sum dugdi at svinga við dirigentstokkinum.

Skal leysi endin á wc-rulluni vera inn ímóti ella út frá vegginum?

Út frá vegginum

Er ananas á Pizza eitt okay konsept?

Nei, ananas á pizza er rein skræpa

Coca Cola ella Pepsi?

Pepsi

Hvat skulu vit spyrja næsta leikara?

Hvat kom fyrst, hønan ella eggið?

Udgivet den

Leikarin á bonkinum – Katarina Karbech Saxov

Á bonkinum í dag hava vit 26 ára gomlu Katarinu Karbech Saxov. Hon hevur síni ungdómsár spælt fótbólt úti á Argjum og seinni við B36. Í 2015 flutti hon til Danmarkar og byrjaði at lesa International Hospitality Management og bleiv liðug við tað í januar í ár. Katarina valdi at fara víðari og lesur nú kandidat í Tourism á Aalborg Universitet í Keypmannahavn.

Lýs teg sjálva/sjálvan sum fótbóltsspælara við 3 orðum: 

Kappingarsinnað, øsi meg lætt til dyst, fín innlegg, gott vinstrabein (ups har vóru meir enn 3)

Svevur tú 8 tímar hvørja nátt?

Nei ikki hvørja nátt, men næstan hvørja

Fleiri lutaseðlar ella hægri limagjald?

Lutaseðlar er okay

Hvønn sang áttu øll at hoyrt minst einaferð og hví?

”Argir” hjá Hans Jacob Karbech Mouritsen. Fái gásarhúðhvørjaferð

Nær vaskaði tú skinnararnar seinast?

Minnist ikki, men teir vera altíðluftaðir væl út eftir dyst

Besti leikari tú hevur leikt við?

Olga Kristina Hansen (viðAB)

Besta ÍF Føroyar ball?

Taðer ein góður spurningur, tey eru altíðgóð! men tey bestu vóru Summershakedown í 2017 og ársveitslan í 2017

Hvat er ein góður kossur?

Tað er ein sum fær tað at kitla í búkinum

Besta minnið av Kløvermarkini

Tann 3. Nov. 2018, tá vit vunnu 3-1 ímóti Tårnby FF. Tá endaðu vit sum nr. 5 í Københavnerseriuni, sum var taðbesta úrslitiðhjá kvinnunum í 4,5 ár.

Málskjúttar vóru Helena Johannesen, Vár Næs og eg! Veðrið var eisini so gott, so tað var bara ein deiligur dagur!

Hvør hevur flottastu reyv á liðnum hjá tær?

Uttan iva Kristianna Ballééé

Hvat er tað besta við ÍF Føroyum?

Samanhaldið, bæði til venjing og ball 

Hvat er tað besta skoritriksið?

Taðeru nógv triks, sum eru góð, t.d. eitt fitt blink 😉 

Hvør syngur best á tínum liði?

Barbara á Lídarenda

Hvørji ritualir/vanar hevur tú á dystardegi?

Sovi ca. 8 tímar náttina áðrennog eti ein góðan morgunmat/frokost

Hvat er títt besta persónliga fótbóltsminni?

Í 2009 tá vit skrivaðu søgu í AB og gjørdust steypavinnarar, har vit vunnu 2-1 ímóti Kí. 

Hvør er stuttligasti persónur á liðinum?

Rakul Johannesen, sum tíverri ikki er so ofta viðfyri tíðina. Annars er tað

Maria Syderbø Mikkelsen

Hvat er tað besta við Føroyum?

Friðurin, maturin, familja og vinir

Er tað nakað, sum ÍF Føroyar kundi gjørt øðrvísi? Um ja, hvat?

Hmmm, nei ikki ordiliga nakað, sum eg kann koma í tankar um. Alt er gott!

Um tú kundi hitt og prátað við ein kendan søguligan persón, hvør skuldi tað verið?

Nelson Mandela

Skal leysi endin á wc-rulluni vera inn ímóti ella út frá vegginum?

Út frá vegginum! 

Er ananas á Pizza eitt okay konsept?

Jaaaa, hvør dámar ikki Hawaii??

Hvat skulu vit spyrja næsta leikara?

Coca Cola ella Pepsi?

Udgivet den

Leikarin á bonkinum – Tummas Justinussen

Tummas Justinussen er okkara næsti leikari á bonkinum. Sterki miðvallarin er uppvaksin úti á Argjum. Í 2012 flutti Tummas til Danmarkar at lesa til lækna og hevur nú fá semestur eftir, áðrenn hann kann kalla seg Dr.Justinussen.

–

Lýs teg sjálva/sjálvan sum fótbóltsspælara við 3 orðum:
Miðja, Verja, Málmaður.

–

Svevur tú 8 tímar hvørja nátt?
Ja, um ikki meira. Tað kemur sjáldan fyri, at eg ikki fái 8 tímar.

–

Fleiri lutaseðlar ella hægri limagjald?
Lægri løn til Niels og Tórður. Uttan at vita hvat teir fáa, so haldi eg at tað er ov nógv 😉
Um tað ikki ber til vegna langtíðarsáttmálar, so hægri limagjald.

–

Hvønn sang áttu øll at hoyrt minst einaferð og hví?
Alt ov nógvir sangir kunnu nevnast her, men ”Time – Pink Floyd” er væl eitt gott boð.

–

Nær vaskaði tú skinnararnar seinast?
Tað er 3 mdr. síðani, so teir eru so at siga gull-reinir enn.

–

Besti leikari tú hevur leikt við?
Bogi Løkin
Men góða eydnu við at fáa hann at indrømma tað!

–

Besta ÍF Føroyar ball?
Nógvar góðar veitslur, men velji ársveitsluna fyri 2 árum síðani.

–

Hvat er ein góður kossur?
Tá fyrrverandi formaðurin, Andras Drangastein, kom rennandi inn á vøllin eftir vit høvdu vunnið onkran dyst við AB (Ja, tað hendir seg, um sjáldan, at AB vinnur…), so kom tað fyri, at man fekk ein formidablan muss ella tveir.
Harnæst vil eg siga, at ein góður erligur kossur frá damuni kemur nummar tvey, uttan iva.

–

Besta minnið av Kløvermarkini?
Eg slapp einaferð at skjóta eitt fríspark. Skoraði gott nokk ikki, men glaðari havi eg aldrin verið. Tvass, besta minni er nokk síðsti dystur áðrenn vi rykktu upp úr Seriu 1.

–

Hvør hevur flottastu reyv á liðnum hjá tær?
Beinir hevur eina væltrenaða reyv, og tá maðurin við teimum brúnu beinunum eisini vísur ein næstan ryttmiskan eginleika í at svinga hana, tá hann rennur á vøllinum, so fær hann mína stemmu.
”Hips Don’t Lie” – Shakira (2005)

–

Hvat er tað besta við ÍF Føroyum?
Samanhald. Góð menniskju, sum koma saman við einum sterkum felagsnevnara – Manglandi integratión í danska samfelagið. Kundi ikki verið betur.

–

Hvat er tað besta skoritriksið?
Eg gekk 9 ár í sama fólkaskúla og 2 ár í sama studentaskúlaklassa sum daman, áðrenn vit komu saman, so mín ”success rate” er nokk ikki naka at reypa av. Vildi greina harav, at áhaldni kundi verið mítt skoritriks, men tað ljóðar beinleiðis syrgiligt og eggjar næstan til ”stalking”.
Havi hoyrt at Teitur W. Justinussen dugir karate (ella muay thai, whatever..), man tað ikki verða ein sikkur ”icebreaker”?

–

Hvør syngur best á tínum liði?
Ein Jan Schwartz, kanska? Mín innari ”Simon Cowell” fer at spýla oyruni út til ársvetsluna í november, har finnast heilt sikkurt nakrir óbrýndir diamantar ímillum ÍF Føroyar limirnar.

–

Hvørji ritualir/vanar hevur tú á dystardegi?
Eingin ritualir. Men tíverri møti eg nokk stabilt nakrar minuttir seinni enn ásettu tíðina til dyst, so lat okkum bara siga at tað er tilætlað sum eitt ritual, sum skal hjálpa mínum fótbótsspælið, so sleppi eg kanska undan onkrari skolu í framtíðini.

–

Hvat er títt besta persónliga fótbóltsminni?
Mín fótbóltskarriera er ikki lukrativ samanborið við tær stóru kanónirnar, sum sita (og hava sitið) í umklæðingarrúminum hjá ÍF Føroyum.
Tað var stuttligt spæla mín fyrsta fulla dyst í bestu føroysku deildini og vinna óvæntað á NSÍ á útivøllið.
Eg var eisini við til at sláa TB (við m.a. Niels Strøm Rødgaard á holdkortinum) úr steypakappingini í mínum bert næsta fótbóldsdysti fyri besta mansliðið hjá AB í 2009. Undarligt, at tað minni bara blívur betur og betur, hvørjaferð eg endurgevið tað fyri honum…

–

Hvør er stuttligasti persónur á liðinum?
Nógvir stuttligir fýrar. Men haldi Teitur Tausen fær mína stemmu, so sleppur hann frá at stemma uppá seg sjálvan.

–

Hvat er tað besta við Føroyum?
Familja, vinir, náttúran og maturin. (Hóast eg haldi at blóðpylsa er eitt gott dømi um, at eitt kreativt hugskot ikki altíð er í samsvarið við at verða eitt gott hugskot…)

–

Er tað nakað, sum ÍF Føroyar kundi gjørt øðrvísi? Um ja, hvat?
Haldi vit leikarir kundu verið betur til at melda til og møta upp til venjingar og dystir. Haldi at nevnd og venjarar gera eitt framúr arbeiði, hóast mín speiska kommentar til lønarviðurskiftini hjá høvuðsvenjarunum.

–

Um tú kundi hitt og prátað við ein kendan søguligan persón, hvør skuldi tað verið?
Leonardo da Vinci hevði verið interessantur at hitt. Hann virkar sum ein nýhugsandi persónur, og um ikki annað, hevði eg nokk gjørt eitt gott arbeiði sum model til Mona Lisa málaríðið. Havi eisini hárið til tað.

–

Skal leysi endin á wc-rulluni vera inn ímóti ella út frá vegginum?
Uttan at hava eina sterka meining um evnið sigi eg “út frá”.

–

Hvat skulu vit spyrja næsta leikara?
Er ananas á Pizza eitt okay konsept?

Udgivet den

Leikarin á bonkinum – Jóhan Viderø Gunnarsson

Okkara næsti leikari á bonkinum er havnamaðurin, Jóhan Viderø Gunnarsson. Hann er 31 ára gamal og hevur búð í Keypmannahavn í 10 ár. Hann er útbúgvin aktuar og hevur síðan 2016 arbeitt sum softwareútviklari innan IT- og pensión.

 

Lýs teg sjálva/sjálvan sum fótbóltsspælara við 3 orðum: 

Vinstrabeintur, ágrýtin, áhaldandi

Svevur tú 8 tímar hvørja nátt?

Ikki hvørja nátt. Men hetta síðsta árið, eg havi drigist við ymisk symptomir orsaka av onkrum, sum eg ikki toli (sum eg ikki veit, hvat er), havi eg nyttað sera lítið teir dagarnar, eg ikki havi fingið upp ímóti átta tímum. So fyri tíðina er svøvnur ein høgur prioritetur.

Fleiri lutaseðlar ella hægri limagjald?

Fyrst hevði eg gjarna viljað vitað, hvat tær øktu útreiðslurnar skyldaðust. Um tað t.d. var til lønarhækkan til venjaran, hevði eg sagt kortanei til bæði! Annars, hægri limagjald 😉

Hvønn sang áttu øll at hoyrt minst einaferð og hví?

‚Stairway To Heaven‛ við Led Zeppelin – ein tíðarleysur klassikari.

Nær vaskaði tú skinnararnar seinast?

Vaska skinnarar – er tað nakað, man eigur at gera? 😉

Besti leikari tú hevur leikt við?

Fróði Benjaminsen var ótrúliga góður í B36 mitt í 00’unum. Imponerandi, sum hann kundi fylla nógv og dominera miðvøllin. Annars var tað eisini ein fragd at spæla saman við Róki av Fløtum Jespersen tey fyrstu mongu árini av ÍF Føroyar-tíðini. Hann var alla tíðina ein ella tveir klassar omanfyri okkum aðrar.

Besta ÍF Føroyar ball?

Tey flestu ÍF Føroyar ballini hava verið frálík. Men um eg skal nevna eitt, má tað vera heimtúrurin eftir dyst í Bornholm á vári 2013 og eftirfylgjandi ball í Tovværkgade (har undirritaði búði).

Hvat er ein góður kossur?

Ein, har man er fult og heilt til staðar í løtuni.

Besta minnið av Kløvermarkini?

Eitt minni, sum stendur frammalaga, er fyrsti dysturin við Andras Thomassen sum venjara á vári 2011. Tað var ein uppliving at vera ein partur av hansara pep-talk, har temaið var, hvussu vit skuldu ein túr til helvitis og aftur teir næstu 90 minuttirnar. Stríðshugurin lýsti úr eygunum á monnum, tá vit komu inn á vøllin, og vit endaðuu eisini við at vinna ein uppibornan 2-1 sigur ímóti oddaliðinum í deildini.

Hvør hevur flottastu reyv á liðnum hjá tær?

Teitur Justinussen – tað má vera øll handan venjingin í ØK Fitness, sum gevur úrslit 😉

Hvat er tað besta við ÍF Føroyum?

Tað er balansan, sum felagið klárar at raka ímillum stuttleika og seriøsitet.

Hvat er tað besta skoritriksið?

Har eri eg ikki tann rætti at spyrja – opinbart hava tey, ið eg havi roynt, ikki virkað inntil víðari!

Hvør syngur best á tínum liði?

Kristin Mouritsen – vit minnast hann júøll við landaplágum sum ‚Eg eri ein K‛ 😉

Hvørji ritualir/vanar hevur tú á dystardegi?

Eg fái mær altíð eina góða máltíð einar fýra tímar áðrenn dystin. Tað hendir seg eisini, at eg lurti eftir løgum sum ‚Lose Yourself‛ við Eminem ella ‚The Worlds Greatest‛ við R. Kelly beint áðrenn eg skal møta.

Hvat er títt besta persónliga fótbóltsminni?

Tað er uttan iva útidysturin ímóti Fenerbahce við B36 í Champions League undankappingini í 2006. Tað kendist eitt sindur surrealistiskt at vera á einum fullsettum S¸cr¸ Saracoglu leikvølli, pakkaðum við larmandi turkum, umringaður av monnum sum Nicolas Anelka, Sanli Tuncay og Stephan Appiah.

Hvør er stuttligasti persónur á liðinum?

Tað má vera Niels, venjarin. Gott nokk jabbar hann so nógv, at man vanligvís ikki lurtar eftir meira enn einum brøkparti av tí, hann sigur; men um man reint faktisk setur sær fyri at lurta, eru har massar av gullkornum at heinta 😉

Hvat er tað besta við Føroyum?

Náttúran og tær ljósu summarnæturnar. Eisini tað føroyska sinnalagið og tað, at man kemur hvørjum øðrum meira við, enn man t.d. ger í einum stórbýi.

Er tað nakað, sum ÍF Føroyar kundi gjørt øðrvísi? Um ja, hvat?

Kanska kundi man havt eina eitt sindur betri rekruteringsstrategi at fáa nýggjar útisetar at leggjast afturat felagnum.

Um tú kundi hitt og prátað við ein kendan søguligan persón, hvør skuldi tað verið?

Albert Einstein. Tað kundi verið stuttligt at upplivað hann andlit til andlit, og eg haldi m.a. hansara generellu relativitetsteori vera fascinerandi. Hann má hava dugað sera væl at hugsað ‚outside of the box‛.

Hvat skulu vit spyrja næsta leikara?

Skal leysi endin á wc-rulluni vera inn ímóti ella út frá vegginum? 😉

 

Udgivet den

Leikarin á bonkinum – Maria Syderbø Mikkelsen

Næsti leikari á bonkinum er Maria Syderbø Mikkelsen. Hon er 25 ára gomul og er úr Havn. Maria hevur búð niðri í 3 ár og um hálvt ár verður hon liðug sum socialráðgevi. Undir síni útbúgving hevur hon verið á útveksling í Kenya og er nú í gongd við at fyriskipa sín næsta túr, har hon hevur bjóðað fleiri føroyingum við.

 

Lýs teg sjálva/sjálvan sum fótbóltsspælara við 3 orðum: 

Verja, illsint og kappingarsinnað.

Svevur tú 8 tímar hvørja nátt?

Bara í vikuskiftunum.

Fleiri lutaseðlar ella hægri limagjald?

Hmmmmm, sigi sum Monika ”Kanska okkurt triðja alternativ”?

Hvønn sang áttu øll at hoyrt minst einaferð og hví?

Nina Simone – ’Mississippi Goddam’. Haldi hon hevur sjálv skrivað tann sangin og haldi hann er sigandi.

Nær vaskaði tú skinnararnar seinast?

Uhaaa, tað minnist eg ikki.

Besti leikari tú hevur leikt við?

Havi so illa hug at taka eina heilt ávísa fram um aðrar, tí eg haldi at ein góður fótbóltsleikari kann vera so nógv.

Besta ÍF Føroyar ball?

Tað vit høvdu leygarkvøldið var eitt av mongum góðum og hugnaligum. Annars var ársveitslan í fjør sera góð, og gleði meg til 10. november

Hvat er ein góður kossur?

Ein góður kossur er inniligur.

Besta minnið av Kløvermarkini?

Haldi fleiri av dystunum í fjør heyst vóru deiligir, ikki minst at flyta upp.

Hvør hevur flottastu reyv á liðnum hjá tær?

Tað er helst Kristianna Balle.

Hvat er tað besta við ÍF Føroyum?

Tórður, góður dystarandi og samanhald.

Hvat er tað besta skoritriksið?

Spyr Rakul, hon kennir til mong slík.

Hvør syngur best á tínum liði?

Tað rokni eg við er songfuglurin Vár Næs og kanska eisini Nina.

Hvørji ritualir/vanar hevur tú á dystardegi?

Eta havragrýn (aftur við einum góðum podkastið, tónleiki e.a.) og síðani súkklutúrurin til Kløvermarkina ella eitt hvørt stað í Keypmannahavn.

Hvat er títt besta persónliga fótbóltsminni?

Fótbóltsskúlin á Svangaskarði 2005.

Hvør er stuttligasti persónur á liðinum?

Haldi fleiri eru nógv stuttligari enn tær sjálvar vita,  Monika er avgjørt ein teirra.

Hvat er tað besta við Føroyum?

Tað besta við Føroym er lætta atgongdin til náttúruna, friðin, familju og vinir.

Er tað nakað, sum ÍF Føroyar kundi gjørt øðrvísi? Um ja, hvat?

Ikki nakað eg soleiðis komi í tankar um í skrivandi stund. Kanska kvinnurnar kundu havt eitt størri skiftingarrúm.

Hvat skulu vit spyrja næsta leikara?

Um tú kundi hitt og prátað við ein kendan søguligan persón, hvør skuldi tað verið?

 

Udgivet den

Leikarin á bonkinum – Beinir Ellefsen

Okkara fyrsti leikari á bonkinum eftir summarfrítíðina er 25 ára gamli argjamaðurin Beinir Ellefsen. Hann hevur búð í Keypmannahavn í 3 ár og er júst blivin bachelor í IT, communication og media og fer beint í gongd við kanditatin á ITU, har hann fer at lesa Digital innovation og management.

Lýs teg sjálva/sjálvan sum fótbóltsspælara við 3 orðum: 

Aggresivur, Tendensir til at klandrast við dómarin, Giftigt vinstrabein

Svevur tú 8 tímar hvørja nátt?

Um mamman lesur hettar, so ja 😉

Fleiri lutaseðlar ella hægri limagjald?

Hægri limagjald, fyri gudsskyld ikki lutaseðlar

Hvønn sang áttu øll at hoyrt minst einaferð og hví?

Í hesum summartíðum, so haldi eg at Get lucky hjá Daft Punk og Pharell Williams er aldeilis deiligur. #summervibes

Nær vaskaði tú skinnararnar seinast?

Vaska fólk skinnarar!?

Besti leikari tú hevur leikt við?

Uha, har eru nógvir at velja í millum. Kann tó ikki sleppa undan at ikki nevna Dmitrije Jankovic. Maðurin er svakur men hevur eitt hjarta av gull <3

Besta ÍF Føroyar ball?

Síðsta jólaveitslan var ein kempi success. Gott undirhald, góður matur og gott lag.

Hvat er ein góður kossur?

Tað má heilt klárt vera mussarnir frá damuni. Teir vátu mussarnir frá Niels eru eisini heilt OK

Besta minnið av Kløvermarkini?

Tað má nokk vera dysturin ímóti FC Græsrødderne. Hasir stoltu nissurnar toldu sgu ikki heilt at tapa ímóti einum vælspælandi ÍF Føroyar liði.

Hvør hevur flottastu reyv á liðnum hjá tær?

Karstin Højgaard, uttan iva.

Hvat er tað besta við ÍF Føroyum?

Ein kombination av gott samanhald og til tíðir framúr fótbólt spæl.

Hvat er tað besta skoritriksið?

Uha, tað er ringt at siga. Men um einki riggar, so er microovn dansurin eitt gott boð.

Hvør syngur best á tínum liði?

Aftaná at hava observerað nógvar ÍF Føroyar veitslur, so má eg ásanna at Tummas Justinussen hevur eina rødd sum fær ein til at kitlast har tað ikki skal kitlast.

Hvørji ritualir/vanar hevur tú á dystardegi?

Tíðliga í song og tíðliga upp. Og so bara fylla depotini væl, so man hevur orku at spæla fullan dyst.

Hvat er títt besta persónliga fótbóltsminni?

Tað má nokk verða tá eg spældi við U21 ímóti Týskarum á Tórsvølli, hóast vit taptu 0-3.

Hvør er stuttligasti persónur á liðinum?

Tað má verða Tórður Henzte. Hann hevur altíð eina stuttliga viðmerking til alt.

Hvat er tað besta við Føroyum?

Náttúran. Tá sólin skínur í Føroyum, so er tað heimsins vakrasta land.

Hvat skulu vit spyrja næsta leikara?

Er tað nakað, sum ÍF Føroyar kundi gjørt øðrvísi? Um ja, hvat?

Udgivet den

Leikarin á bonkinum – Monika Sumberg Samuelsen

Næsti leikari á bonkinum er Monika Sumberg Samuelsen. Hon er liðskipari á kvinnuliðnum og hevur verið tað í fleir ár. Monika er 28 ára gomul og er ættað út Vági. Hon er útbúgvin sjúkrarøktafrøðingur og arbeiðir á Ríkissjúkrahúsinum.

Lýs teg sjálva/sjálvan sum fótbóltsspælara við 3 orðum 

Stríðsvilji, góðar taklingar og fínasta slag í luftini 🙂

Svevur tú 8 tímar hvørja nátt?

Nei, tað er sjálvdan tað kemur fyri, nokk bara tá eg havi frí.

Fleiri lutaseðlar ella hægri limagjald?

Hvørki. Kanska okkurt triðja alternativ?

Hvønn sang áttu øll at hoyrt minst einaferð og hví?

Vágsbygd mín heimbygd, haldi ikki eg pjøvist at siga meir. Sangurin kann hoyrast her, um tað skuldi verið: https://www.youtube.com/watch?v=vgjmwvcf5Ss

Nær vaskaði tú skinnararnar seinast?

Plagi at vaska teir áðrenn kappingin byrjar, so tað plagar at vera einaferð í apríl. Annars eftir tørvi.

Besti leikari tú hevur leikt við?

Jacoba Langgaard, ein legenda í ÍF Føroyum.

Besta ÍF Føroyar ball?

Haldi altíð at tey eru góð, men Summershakedown vinnur nokk. Tey eru altíð væl fyriskipaðið, og stemningurin er góður. Dugi ikki at velja eitt Summershakedown frammum hini.

Hvat er ein góður kossur?

Tað er ein, sum man hevur glett seg til og kanska bíða eftir í eina tíð.

Besta minnið av Kløvermarkini?

Havi so nógv góð minnir á Kløvermarkini, nógvir stuttligir dystir, nógvar góðar venjingar, og eisini nógvar hugnaligar løtur, har tað hevur handlað meira um tað sosiala. Ringt at velja eitt minni burturúr.

Hvør hevur flottastu reyv á liðnum hjá tær?

Tað er avgjørt Bjørt Miðberg!

Hvat er tað besta við ÍF Føroyum?

100% samanhaldið. Havi sjálv knýtt nógv vinarbond  gjøgnum ÌF Føroyar.

Hvat er tað besta skoritriksið?

Okkurt sum er fitt og niðri á jørðini.

Hvør syngur best á tínum liði?

Haldi Barbara á Líðarenda rakar tónar nokkso væl J

Hvørji ritualir/vanar hevur tú á dystardegi?

Einki.

Hvat er títt besta persónliga fótbóltsminni?

Tað er altíð nokkso stuttligt, tá man vinnur eitt sindur óvæntað. Komi í tankar um ein dyst fyri nógvum árum síðani. Tað var við VB, vit spældu ímóti HB í Havn, vóru aftanfyri 3-0, men vunnu 4-3. Hetta var eisini saman við fleiri av mínum barndómsvinkonum, so tað er nokkso stuttligt at minnast aftur á.

Hvør er stuttligasti persónur á liðinum?

Her má eg aftur nevna Bjørt Miðberg, saman við henni hevur man tað altíð stuttligt.

Hvat skulu vit spyrja næsta leikara?

Hvat er tað besta við Føroyum?

Udgivet den

Leikarin á bonkinum – Reidar Dahl Joensen

Nú kappingin so smátt er byrjað hjá øllum okkara liðum, fara vit at hitta leikarunum á bonkinum. Fyrsti leikari 27 ára gamli vágbingurin, Reidar Dahl Joensen. Hann flutti til Danmarkar at lesa til maskinmeistara í 2015.

 

Lýs teg sjálva/sjálvan sum fótbóltsspælara við 3 orðum 

Sterkur í luftini, fornuftigur og rímiliga skjótur ?

Svevur tú 8 tímar hvørja nátt?

Nei, langt frá.

Fleiri lutaseðlar ella hægri limagjald?

Hægri limagjald

Hvønn sang áttu øll at hoyrt minst einaferð og hví?

Bohemian Rhapsody hjá Queen. Tað er ein fantastiskur sangur, sum fær lagið í topp hvørja fer.

Nær vaskaði tú skinnararnar seinast?

Eg keypi heldur nýggjar ístaðin.

Besti leikari tú hevur leikt við?

Tað má vera Pól Thorsteinsson.

Besta ÍF Føroyar ball?

Eg elski ÍF Føroyar ballini. Eg havi verið við til nøkur eftirhondini, og øll hava verið sera stuttlig. So tað er ringt at velja burtur úr ?

Hvat er ein góður kossur?

Tað er tá bæði vilja tað líka nógv. Men tann besti er ein frá sínari einastu einu.

Besta minnið av Kløvermarkini?

Uha, har eru eftir hondini nøkur. Men eg skal taka eitt: Eg hevði akkurát keypt nýggjar krita hvítar fótbóltsskógvar, og nakrir flentu eftir mær, tí man mátti hava teknik fyri at hava tílíkar. Men tann dystin vunnu vit stórt ímóti einum liði úr Danmarkseriuni. Eg skoraði 2 mál, har tað eina hæli eg bóltin upp um verjuna og meg sjálvan og skori. Tað sigst at tað enn verður tosað um tað málið. ?

Hvør hevur flottastu reyv á liðnum hjá tær?

Rani Nolsøe Johannesen fær heiðurin. Hann hevur eina flotta Kardashian-reyv.

Hvat er tað besta við ÍF Føroyum?

Tað er heilt sikkurt samanhaldið.

Hvat er tað besta skoritriksið?

Ein túrur á dansigólvið.

Hvør syngur best á tínum liði?

Nemt.. Teitur Tausen!

Hvørji ritualir/vanar hevur tú á dystardegi?

Royni at eta góðan morgunmat og slappi av.

Hvat er títt besta persónliga fótbóltsminni?

Tá vit fluttu upp í Effodeildina við Fc Suðuroy í 2014. Eg skori tvey mál og vit vinna 3-1 í síðsta dystinum av kappingini.

Hvat skulu vit spyrja næsta leikara?

Hvør er stuttligasti persónur á liðinum?

Udgivet den

Leikarin á bonkinum – Christian Høgni Jacobsen

Hendan mánaðin hava vit valt at gera eina jólaútgávu av ‚Leikarin á bonkinum‛. Leikarin hesuferð er Christian Høgni Jacobsen. Christian Høgni hevur verið leikandi venjari hjá 1. liði og hevur loyst ta uppgávuna framúr væl. Til ársveitsluna, sum varð hildin í novembur í ár, varð kunngjørt, at Christian Høgni ikki ætlar sær at leika næsta ár. Tí hildu vit, at tað var upplagt, sum eitt farvæl, at hann skuldi sleppa at fortelja eitt sindur um seg sjálvan, og um, hvussu hann heldur jól. Hann varð biðin um at senda eina mynd av sær sjálvum við nissuhúgvu, men avtí at hann ikki átti eina sovorðna, var hann kreativur og teknaði eina á sjálvur – so er man í jólahýri. Vit vilja takk Christian Høgna fyri gott samstarv og bera honum alla góða eydnu framyvir.

 

Hvat ynskir tú tær í jólagávu?
Alt møguligt tú, eitt nú eina I-phone 7, Solospring, fitbit charge 2, VR Box, Fótbóltsferð, Boxershorts, GoPro action camera, Blazer, Elektriska tannbust og tí nýggjastu B68 blusuna.  

Lýs teg sjálvan sum fótbóltsspælara við 3 orðum:
36, maður, áleypari 😉

Svevur tú 8 tímar hvørja nátt?
Uha!! Eg haldi tað, eg fari sum oftast tíðliga ísong.

Hevur tú nakrar traditiónir jólaaftan? Hvørjar?
Ja har eru fleiri, eitt nú kirkju, vitja grøvuna hjá babba, jóladøgurað, jólamann osv.

Nær vaskaði tú tínar skinnarar seinast?
Havi ongantíð vaska skinnarnar!

Besti leikari tú hevur leikt við?
Jens Martin Knudsen. Hann hevur bara alt sum, eitt lið hevur brúk fyri og so er hann eisini fantastiskur at læra frá sær.

Yndis jólasangur?
’Nissumamma og nissupápi’ & ’Fairytale of New York’

Besta ÍF Føroyar ball?
Tey hava øll verið góð.

Hvat er ein góður kossur?
Ein sum gevur meinning

Hevði tú verið ein nissa, hevði tú so verið ein frek ella fitt ein?
Man ikki eg hevði verið ein fitt nissa og eitt pinkalítið sindur frek eisini.

Besta minnið av Kløvermarkini?
Åhh har hava verið nógv góð minnir og eg komi heilt avgjørt at sakna løturnar á Kløvermarkini. Eg havi møtt nógvum góðum fólki og tað eru tey minnini, ið tey hava givið mær, sum eg takið við mær víðari.

Hvar skalt tú halda jól í ár?
Tað verður í Saltangará, heima hjá mammu og heima hjá sviger.

Yndis jólafilmur?
Home Alone filmarnir eru deiliga familjusligir og stuttligir.

Hvør hevur best reyv á liðnum hjá tær?
Har er einki at yvast í; Bárður Danilsen og tað ringasta er, at hann veit tað so forb… væl sjálvur!!

Hvussu hevur tú tað við kava? Kemur hann ongantíð ov tíðliga, ella skal hann bara koma 24. decembur?
Kavi er veldigur og må gjarna liggja nakrar vikur, men tá fótbóltsvenjingarnar byrja aftur, tá skal kavin eisini vera vekk.

Hvat er tað besta við ÍF Føroyum?
Samanhaldi og Rødgaard

Bleytan ella harðan pakka?
Bleytan

Rísingreyt ella ris a la mande?
Ris a la mande má tað vera J

Hvat er títt besta persónliga fótbóltsminni?
Fulham vs NSÍ í 2011 Craven Cottage. Tað var ein heilt serligur dystur, at vera liðformaður og leiga liðið hjá sær út til stórsta dystin í søgu felagsins. Annars hvør tann einasta av mínum 50 landsdystum, hava eisini verið heilt serligir.

Besta jólagávan tú nakrantíð hevur fingið?
Havi just fingið eina dóttir her, eina viku áðrenn jól og størri gávu kann man ikki fáa.

Hvat er besta uppliving tú hevur havt við Niels Strøm Rødgaard? Ein keður seg ongantíð í selskapi við Rødgaard og allar løturnar eru góðar, so man kann ikki takað eina burturúr. Maðurin er bara ein uppliving allur sum hann er.

Hvat er tað allabesta við jólunum?
Tað er at vera saman við familjuni, tað er bara ein heilt serlig tíð.

Lýs Tórður Hentze við einum orðið?
FONGUR

Hvat skulu vit spyrja næsta leikara á bonkinum? Fleiri lutaseðlar ella hægri limagjlad?

Udgivet den

Leikarin á bonkinum – Elsa Anna Mohr

Lýs teg sjálvan sum fótbóltsspælara við 3 orðum: – íðin, kvik og lang, sjúk innkast, he he 😉

Svevur tú 8 tímar hvørja nátt? – sum oftast (tó ikki leygarnátt)

Fleiri lutaseðlar ella hægri limagjald? – lat ongan iva vera um, tíðin man seldi lutaseðlar, er ein farin tíð fyri mítt viðkomandi

Hvønn sang burdu øll havt hoyrt minst einaferð og hví? – ”Súrligar nætur í Keypmnannahavn”, tí tað er nakað vit lesandi í Keypmannahavn kunnu relatera til, og so hevur sangurin eitt fangandi lag (góður felagssangur)

Nær vaskaði tú skinnarnar seinast? – spyr heldur, nær mamma vaskaði teir

Besti leikari tú hevur leikt við? – Rakul Johannesen

Besta ÍF Føroyar ball? – summar bónda down

Hvat er ein góður kossur? – um viðkomandi er nýrakaður, so skal hann nokk blíva góður

Besta minnið av Kløvermarkini? – tær ferðirnar vit hava vunnið á heimavølli – men hvør venjing er eisini serstøk, tí tað er ikki til at vita, hvat hasin Tórður kann finna upp á við sínum kreativiteti

Hvør hevur best reyv á liðnum hjá tær? – Kristianna Balle

Hvat kundi verði betri í ÍF Føroyum? – eg havi einki at seta fingurin á

Hvat er tað besta við ÍF Føroyum? – samanhaldið, uttan iva!

Hvat er tað besta skoritriksi? – eg fari altso ikki at deila míni gullkorn her 😉

Hvør ÍF Føroyar leikari er besti tummari? – Helena Wardum

Hvør krønika var tann besta á ársveitsluni? – eg havi mína fyrstu ársveitslu til góðar í novembur

Hvat er eitt tað mest flovisliga, sum hendi tær í summarferiuni? – tað er faktisk alt ov flóvisligt til at deila!

Hvør syngur best á tínum liði? – Maria Syderbø Mikkelsen í duet við Kristiannu Balle

Hvørji ritualir (vanar) hevur tú á dystardegi? – Eti ein heilsu-góðan morgunmat (helst havragreyt), drekki nokk av vatni og royni at møta upp við einum positivum anda

Hvat er títt besta persónliga fótbóltsminni? – tað man vera, tá vit ryktu upp aftur í 1.deild við B36-kvinnunum, og tá eg var í Russlandi við U-17 landsliðnum.

Hvat er besta uppliving tú hevur havt við Niels Strøm Rødgaard? – tað man vera, tá hann sendi mær eina vinarumbøn á Facebook

Hvat skulu vit spyrja næsta leikara? – Lýs Tórður við einum orðið?