Fótbóltsútisetar í Keypmannahavn
Týsdagin 4/9 og 11/9:
Ongin venjing
Hósdagin 6/9 og 13/9:
Mennirnir kl.17.30
Kvinnurnar kl.19.00
Hesar venjingartíðirnar eru fyribils galdandi tær komandi tvær vikurnar, og vónandi verður farið aftur til tær vanligu venjingartíðirnar í viku 38.
Køv ikki eldhugin!
Nógvir dystir eru á skránni hjá ÍF Føroyum komandi vikuna.
Týsdagin 04. septembur kl.18.00 spælir 1. lið hjá ÍF Føroyum á heimavølli ímóti Bk. Skjold. Dysturin verður leiktur á Kløvermarkini.
Leygardagin 08. septembur eru tríggir dystir á skránni.
kl.11.15 spælir 3. lið hjá ÍF Føroyum á útivølli ímóti Hellas 2. Dysturin verður leiktur í Engdraget.
kl.15.00 spælir 2. lið hjá ÍF Føroyum á útivølli ímóti HB 2. Dysturin verður leiktur í Ryparken.
kl.15.15 spæla kvinnurnar hjá ÍF Føroyum á heimavølli ímóti ØKF. Dysturin verður leiktur á Kløvermarkini.
Sunnudagin 09. septembur spælir 7. mansliðið hjá ÍF Føroyum á útivølli ímóti CSC 2. Dysturin verður leiktur á Kløvermarkini.
Køv ikki eldhugin!
Í komandi viku eru venjingartíðinar hesar:
Týsdagin 28/8:
Ongin venjing
Hósdagin 30/8:
Kvinnurnar kl.17.30
Mennirnir kl.19.00
Orsøkin til hesar broyttu venjingartíðirnar í viku 35 er, at góða veðri og nógvi hitin í summar hevur havt við sær, at vallirnir treingja til eyka viðlíkahald.
Farið verður aftur til tær vanligu venjingartíðirnar í viku 36.
Køv ikki eldhugan!
Okkara fyrsti leikari á bonkinum eftir summarfrítíðina er 25 ára gamli argjamaðurin Beinir Ellefsen. Hann hevur búð í Keypmannahavn í 3 ár og er júst blivin bachelor í IT, communication og media og fer beint í gongd við kanditatin á ITU, har hann fer at lesa Digital innovation og management.
Lýs teg sjálva/sjálvan sum fótbóltsspælara við 3 orðum:
Aggresivur, Tendensir til at klandrast við dómarin, Giftigt vinstrabein
Svevur tú 8 tímar hvørja nátt?
Um mamman lesur hettar, so ja 😉
Fleiri lutaseðlar ella hægri limagjald?
Hægri limagjald, fyri gudsskyld ikki lutaseðlar
Hvønn sang áttu øll at hoyrt minst einaferð og hví?
Í hesum summartíðum, so haldi eg at Get lucky hjá Daft Punk og Pharell Williams er aldeilis deiligur. #summervibes
Nær vaskaði tú skinnararnar seinast?
Vaska fólk skinnarar!?
Besti leikari tú hevur leikt við?
Uha, har eru nógvir at velja í millum. Kann tó ikki sleppa undan at ikki nevna Dmitrije Jankovic. Maðurin er svakur men hevur eitt hjarta av gull <3
Besta ÍF Føroyar ball?
Síðsta jólaveitslan var ein kempi success. Gott undirhald, góður matur og gott lag.
Hvat er ein góður kossur?
Tað má heilt klárt vera mussarnir frá damuni. Teir vátu mussarnir frá Niels eru eisini heilt OK
Besta minnið av Kløvermarkini?
Tað má nokk vera dysturin ímóti FC Græsrødderne. Hasir stoltu nissurnar toldu sgu ikki heilt at tapa ímóti einum vælspælandi ÍF Føroyar liði.
Hvør hevur flottastu reyv á liðnum hjá tær?
Karstin Højgaard, uttan iva.
Hvat er tað besta við ÍF Føroyum?
Ein kombination av gott samanhald og til tíðir framúr fótbólt spæl.
Hvat er tað besta skoritriksið?
Uha, tað er ringt at siga. Men um einki riggar, so er microovn dansurin eitt gott boð.
Hvør syngur best á tínum liði?
Aftaná at hava observerað nógvar ÍF Føroyar veitslur, so má eg ásanna at Tummas Justinussen hevur eina rødd sum fær ein til at kitlast har tað ikki skal kitlast.
Hvørji ritualir/vanar hevur tú á dystardegi?
Tíðliga í song og tíðliga upp. Og so bara fylla depotini væl, so man hevur orku at spæla fullan dyst.
Hvat er títt besta persónliga fótbóltsminni?
Tað má nokk verða tá eg spældi við U21 ímóti Týskarum á Tórsvølli, hóast vit taptu 0-3.
Hvør er stuttligasti persónur á liðinum?
Tað má verða Tórður Henzte. Hann hevur altíð eina stuttliga viðmerking til alt.
Hvat er tað besta við Føroyum?
Náttúran. Tá sólin skínur í Føroyum, so er tað heimsins vakrasta land.
Hvat skulu vit spyrja næsta leikara?
Er tað nakað, sum ÍF Føroyar kundi gjørt øðrvísi? Um ja, hvat?
Summarferian er við at vera av, og hetta merkir, at vit nú seta hol á enn eina kappingarhálvu.
Dystir hesa vikuna:
Hósdagin 23. august kl.19.00 skal okkara 2. lið spæla á Kløvermarkini ímóti Sønderbro Fight 2. Dysturin verður leiktur á vølli 14.
Leygardagin 25. august kl.16.15 skal 1. lið spæla á útivølli ímóti FB. Dysturin verður leiktur á Sønderjyllands Allé 4.
Venjari hjá 2. liðnum hevur seinastu tíðina verið Andras Jákupsson. Eftir summarsteðgin hevur Andras valt at takka fyri seg sum venjari hjá ÍF Føroyum, nú hann flytir heim aftur til Føroyar eftir loknan lestur. Andras hevur gjørt eitt megnar arbeiðið sum venjari hjá ÍF Føroyum og vit takka honum mangar ferðir fyri hetta.
Sagt verður, at maður kemur í mans stað – og so er. Beint fyri summarsteðgin gjørdist greitt at nýggi venjarin hjá 2. liðnum hjá ÍF Føroyum verður Ragnar Poulsen. Ragnar hevur í fleiri ár spælt við ÍF Føroyum, men hevur nú tikið við sum venjari hjá 2. liðnum. Dysturin í morgin verður sostatt fyrsti dysturin hjá Ragnari sum venjara. Vit eru ómetaliga takksom fyri, at Ragnar hevur sagt ja til at gerast ein partur av venjarahópinum hjá ÍF Føroyum, og vilja ynskja honum bestu eydnu framyvir.
Køv ikki eldhugan!
Venjingartíðir:
Menn
Týsdag kl.17.30-19.00
Hósdag kl.18.30-20.00
Skiftingarrúm nr.25
Kvinnur
Týsdag kl.18.30-20.00
Hósdag kl.17.30-19.00
Skiftingarrúm nr.38
Venjingarnar byrja í viku 35
Vant verður á Kløvermarkini á Kløvermarksvej 25, 2300 København S.
Allir nýggir leikarar eru vælkomnir. Um tit hava spurningar, kunnu tit seta tykkum í samband við okkum, annaðhvørt á Facebook-síðuni “ÍF Føroyar Fótbóltur” ella við at venda tykkum til venjarar ella nevndarlimirnar – tlf nr eru upplýst á heimasíðuni undir “Felagið” og síðani annaðhvørt “Nevndin” ella “Venjarar”.
Køv ikki eldhugan!
Í samband við, at summarfrítíðin er við at byrja og tað møguliga eru fleiri, sum ætla sær at flyta leikaraloyvið til føroysk feløg, vilja vit minna tykkum á mannagongdina tá loyvið skal flytast.
– Felagið, ið skal brúka leikaran, skal søkja eftir loyvinum.
Tað vil siga, at tá ein ÍF Føroyar leikari ynskir at flyta loyvið til eitt føroyskt felag, so skal leikarin seta seg í samband við tað føroyska felagið og biðja tey um at søkja eftir loyvinum. Vit (ÍF Føroyar) góðkenna flytingina og gera tað sum skjótast, tá ein umsókn er komin.
– Og øvugt: tá ið leikarin vil hava loyvið til ÍF Føroyar úr einum føroyskum felag, so er tað okkum tit skulu skriva til.
Flyting av leikaraloyvum fer fram við at senda ein mail til;
leikaraloyvi@fotboltur.dk.
Góða summarferiu.
Í morgin, 12. juni, skulu 1. lið hjá ÍF Føroyum spæla fjórða umfarð í DBU pokalturneringini. Mótstøðuliðið hesaferð er Kastrup Bk. Dysturin verður spældur á Kløvermarkini og byrjar kl.20:15.
Í landskappinini spælur Kastrup Bk. í einari deild hægri enn ÍF Føroyar, har teir liggja beint omanfyri niðurflytingarstrikuna. Hetta merkir, at vit í morgin kunnu vænta okkum ein harðan dyst.
Seinasta dyst spældu okkara menn ímóti FC. Græsrødderne, ið er mannað av fyrrverandi toppleikarum og eisini nøkrum fyrrverandi landsliðsleikarum. í hesum dystinum vístu okkara menn stóran arbeiðs- og stríðsvilja, og megnaðu at vinna 3-1.
Okkara rapportarir vera á Kløvermarkini í morgin, har teir fara at siga frá dystinum. Til ber at fylgja við á Facebooksíðuni hjá ÍF Føroyum.
Vinna okkara menn hendan dystin, eru teir við í pottinum, tá ið trekt verður eftir summarferiuna. Í hesum víðari lutakasti verður møguligt at trekkja lið úr bæði 1. og 2. division.
Vit vóna at fleiri eru til reiðar at stuðla okkara monnum á Kløvermarkini.
Køv ikki eldhugin!
Fleiri dystir eru um vikuskiftið, og eittnú spælir 1. lið teirra seinasta landskappingardyst hetta kappingarári.
1. lið spælir á Kløvermarkini leygardagin 9. juni kl.13:30. Mótstøðuliðið er Sundby Bk, ið liggur á einum 14. og aftasta plássi við 16 stigum í deildini. Okkara menn eru á 11. plássi við 26 stigum, og eru eisini tryggjaðir ímóti niðurflyting.
2. lið spælir eisini á Kløvermarkini leygardagin 9. juni, og byrjar dysturin hjá teimum kl.13:00. Mótstøðuliðið hjá teimum er Sundby Bk. 2., ið liggur á einum 10. plássi við 6 stigum. Okkara menn liggja á einum 7. plássi við 12 stigum.
Sunnudagin eru aftur tveir dystir á skránni hjá ÍF Føroyum.
Kl.13:30 taka kvinnurnar ímóti AB Tårnby á Kløvermarkini. AB Tårnby liggur á einum 6. plássi, meðan ÍF Føroyar kvinnurnar liggja á einum 7. plássi, og ein sigur ímóti AB Tårnby hevur við sær, at kvinnurnar kunnu koma enn longur upp á stigatalvuna.
Kl.15:15 spælir 3. lið ímóti FB 8. Dysturin verður spældur á Jens Jessens Vej. Okkara menn liggja á einum 5. plássi, meðan FB 8 liggja á einum 6. plássi, so aftur her kunnu vit vænta okkum ein javnan dyst.
Okkara rapportarir vera á Kløvermarkini leygardagin og varpa frá dystinum hjá 1. liðnum. Sagt verður frá góðum veðri bæði leygardagin og sunnudagin, so komi ein túr og stuðli okkara leikarum.
Køv ikki eldhugin!
Næsti leikari á bonkinum er Monika Sumberg Samuelsen. Hon er liðskipari á kvinnuliðnum og hevur verið tað í fleir ár. Monika er 28 ára gomul og er ættað út Vági. Hon er útbúgvin sjúkrarøktafrøðingur og arbeiðir á Ríkissjúkrahúsinum.
Lýs teg sjálva/sjálvan sum fótbóltsspælara við 3 orðum
Stríðsvilji, góðar taklingar og fínasta slag í luftini 🙂
Svevur tú 8 tímar hvørja nátt?
Nei, tað er sjálvdan tað kemur fyri, nokk bara tá eg havi frí.
Fleiri lutaseðlar ella hægri limagjald?
Hvørki. Kanska okkurt triðja alternativ?
Hvønn sang áttu øll at hoyrt minst einaferð og hví?
Vágsbygd mín heimbygd, haldi ikki eg pjøvist at siga meir. Sangurin kann hoyrast her, um tað skuldi verið: https://www.youtube.com/watch?v=vgjmwvcf5Ss
Nær vaskaði tú skinnararnar seinast?
Plagi at vaska teir áðrenn kappingin byrjar, so tað plagar at vera einaferð í apríl. Annars eftir tørvi.
Besti leikari tú hevur leikt við?
Jacoba Langgaard, ein legenda í ÍF Føroyum.
Besta ÍF Føroyar ball?
Haldi altíð at tey eru góð, men Summershakedown vinnur nokk. Tey eru altíð væl fyriskipaðið, og stemningurin er góður. Dugi ikki at velja eitt Summershakedown frammum hini.
Hvat er ein góður kossur?
Tað er ein, sum man hevur glett seg til og kanska bíða eftir í eina tíð.
Besta minnið av Kløvermarkini?
Havi so nógv góð minnir á Kløvermarkini, nógvir stuttligir dystir, nógvar góðar venjingar, og eisini nógvar hugnaligar løtur, har tað hevur handlað meira um tað sosiala. Ringt at velja eitt minni burturúr.
Hvør hevur flottastu reyv á liðnum hjá tær?
Tað er avgjørt Bjørt Miðberg!
Hvat er tað besta við ÍF Føroyum?
100% samanhaldið. Havi sjálv knýtt nógv vinarbond gjøgnum ÌF Føroyar.
Hvat er tað besta skoritriksið?
Okkurt sum er fitt og niðri á jørðini.
Hvør syngur best á tínum liði?
Haldi Barbara á Líðarenda rakar tónar nokkso væl J
Hvørji ritualir/vanar hevur tú á dystardegi?
Einki.
Hvat er títt besta persónliga fótbóltsminni?
Tað er altíð nokkso stuttligt, tá man vinnur eitt sindur óvæntað. Komi í tankar um ein dyst fyri nógvum árum síðani. Tað var við VB, vit spældu ímóti HB í Havn, vóru aftanfyri 3-0, men vunnu 4-3. Hetta var eisini saman við fleiri av mínum barndómsvinkonum, so tað er nokkso stuttligt at minnast aftur á.
Hvør er stuttligasti persónur á liðinum?
Her má eg aftur nevna Bjørt Miðberg, saman við henni hevur man tað altíð stuttligt.
Hvat skulu vit spyrja næsta leikara?
Hvat er tað besta við Føroyum?
Tríggir dystir eru á skránni hetta vikuskiftið.
Leygardagin 2 juni kl 13.00 skal 1.liðið á útivølli leika ímóti Tårnby FF. Tårnby liggur á einum 6. plássi og seinast hesi liðini møttust, vann Tårnby við tveimum málum.
Næsti dystur er eisini leygardagin 2 juni. Her tekur 2.liðið á heimavølli kl 13.30 ímóti Østerbro IF 2. Østerbro liggur einans eitt stig framman fyri okkara menn, og tí kunnu vit vænta ein spennandi dyst á Kløver.
Seinasti dystur hetta vikuskiftið er sunnudagin 3 juni. 7-mans liðið skal á heimavølli leika ímóti Brønshøj 2. Dysturin byrjar kl 13.30. Brønshøj hevur vunnið allar sínar dystir og liggur tískil nummar 1. Á øðrum plássi liggur okkara 7-mans lið. Tað kann vera, at fyrsti ósigurin hjá Brønshøj verður sunnudagin.
Veðrið hevur sanniliga verið einastandandi seinastu vikurnar, men komandi vikuskifti, greiðir Yr.no frá, at vit kunnu fáa heilt upp í 29 hitastig. Tað eru heitastu dagarnir hagartil í ár. Takið sólkremið við og komið og stuðlið okkara monnum, nú bert fáir dystir eru eftir.
Køv ikki eldhugan!
Nógvir dystir eru á skránni um vikuskiftið.
Fríggjakvøldið 25. maj spælur 2. lið ímóti Kastrup Bk 2. Dysturin verður spældur á Røllikevej og byrjar kl.18:30.
Leygardagin 26. maj spælur 1. lið ímóti FB. Dysturin verður spældur á Kløvermarkini og byrjar kl.13:30.
Sunnudagin 27. maj eru tveir dystir á skránni. Kvinnurnar spæla í móti KFB. Dysturin verður spældur á Kløvermarkini og byrjar kl.13:30. Eisini skal 7. mans liðið spæla sunnudagin. Dysturin, ið er ímóti Vestia, verður spældur á Kløvermarkini og byrjar eisini kl.13:30.
Týskvøldið skal 3. lið spæla ímóti FA 2000. Dysturin verður spældur á Kløvermarkini og byrjar kl.19:00.
Køv ikki eldhugin!